الماتىدا 62 جاستاعى ەر ادام قوعامدىق كولىكتە ۇرلىق جاساعان.
قالتا ۇرلىعىنا كۇدىكتى قاماۋعا الىندى. پوليسەيلەردىڭ ايتۋىنشا، قوعامدىق كولىكتە ۇرلىق جاسادى دەگەن كۇدىكپەن 62 جاستاعى ي.ەسىمدى ازامات ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«45-باعىتتاعى قوعامدىق كولىكتىڭ جولاۋشىسى پوليسياعا ارىزدانعان سوڭ ەر ادام ۇستالدى. ايەل ادام قالتاسىنان تەلەفونىن بەلگىسىز بىرەۋدىڭ ۇرلاپ كەتكەنىن ءتۇسىندىردى. جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى. بۇل دەرەك بوتەننىڭ مۇلكىن ۇرلاۋ دەرەگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. كۇدىكتى بۇعان دەيىن دە سوتتى بولعان. ءقازىر تەرگەۋشىلەر كۇدىكتىنىڭ قالادا بۇرىن جاسالعان وسىعان ۇقساس قىلمىستارعا قاتىسى بار-جوعىن انىقتاپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
قازىرگى ۋاقىتتا ەر ادام ۋاقىتشا ۇستاۋ يزولياتورىنا قامالدى.