ونىڭ ىشىندە Telegram مەسسەندجەرىندە 1،5 مىڭعا قول جەتكىزۋ شەكتەلگەن.
ەسىرتكى ساۋداسى ينتەرنەت جانە ەلەكتروندىق تولەم جۇيەلەرى ارقىلى جۇزەگە اسىرىلادى. بۇل تۋرالى ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باستىعى باقىتجان ءامىرحانوۆ مالىمدەدى، دەپ حابارلايدى Almaty-akshamy.kz
«ەسىرتكى سايتتارىنىڭ نەگىزگى بولىگى «كيبەرنادزور» اقپاراتتىق جۇيەسىمەن اۆتوماتتى تۇردە بۇعاتتالادى. جىل باسىنان بەرى ەسىرتكى جارنامالايتىن 2 مىڭعا جۋىق سايت بۇعاتتالدى، ونىڭ ىشىندە Telegram مەسسەندجەرىندە 1،5 مىڭعا قول جەتكىزۋ شەكتەلگەن. ارينە، ءبىز حالىققا شەكتەۋ قويا المايمىز. تولەماقىلاردى توقتاتا المايمىز. سوندىقتان قازاقستاندا ەڭ تانىمال ونلاين-پلاتفورمالار مەن تولەم جۇيەلەرىنىڭ مەنشىك يەلەرىنىڭ وكىلدىكتەرى مەن كەڭسەلەرىن كەڭەيتۋ قۇزىرەتتى ورگانداردان تەڭدەستىرىلگەن شەشىم ازىرلەۋدى تالاپ ەتەدى. تەك وسىلاي عانا ولاردىڭ قىزمەتىن ءبىزدىڭ زاڭناماعا سۇيەنە وتىرىپ رەتتەي الامىز»، - دەدى ب. ءامىرحانوۆ.