ماماندار كورسەتىلگەن مەكەنجايعا باردى.
الماتىدا №122 جولاۋشىلار اۆتوبۋسى جول ۇستىندەگى ويىققا ءتۇسىپ كەتكەن، دەپ حابارلايدى Almaty-akshamy.kz.
وقيعا ورنىنان تۇسىرىلگەن سۋرەت الەۋمەتتىك جەلىلەردە تارادى. جاريالانىم اۆتورىنىڭ ايتۋىنشا، وقيعا قالاداعى "مادەنيەت" شاعىناۋدانىندا بولعان.
"بارلىعى وپىرىلىپ جاتىر. جول ەشقاشان جوندەلمەگەن. جوعارىداعىلاردىڭ بىرەۋى كەلگەن كەزدە عانا جوندەي باستايدى. بىزدە ءتىپتى جول جيەگى دە جوق، ءبارى وپىرىلىپ جاتىر. كولىكتەر مەن اۆتوبۋستار وتە المايدى"، - دەپ جازىلعان جاريالانىمدا.
اتالمىش جاعدايعا بايلانىستى قالالىق ەنەرگەتيكا باسقارماسى جاۋاپ بەردى. الماتى قالالىق ەنەرگەتيكا باسقارماسىنىڭ مالىمەتىنشە، ءقازىر ماماندار اتالعان مەكەنجايعا اتتاندى. وپىرىلىپ تۇسكەن جەر ارنايى لەنتامەن قورشالعان، جاقىن ارادا قالپىنا كەلتىرۋ جۇمىستارى جۇرگىزىلەتىن بولادى.