بوكسشى ايدوس ەربوسىن ۇلىنىڭ دەنساۋلىعى جاقسارىپ كەلەدى

قازاقستاندىق بوكسشى كۋبالىق داۆيد موررەلدەن نوكاۋتپەن جەڭىلگەن بولاتىن.

Suleimen Promotions پروموۋتەرلىك كومپانياسى قازاقستاندىق بوكسشى ايدوس ەربوسىن ۇلىنىڭ دەنساۋلىعىنا قاتىستى مالىمدەمە جاسادى، دەپ حابارلايدى Almaty-akshamy.kz Elorda.info سايتىنا سىلتەمە جاساپ. 

 «اقش-تاعى وكىلىمىزدىڭ سوزىنشە، بوكسشىمىزدىڭ دەنساۋلىعى ايتارلىقتاي جاقساردى، سونىڭ ىشىندە فيزيكالىق جاعدايى – ايدوس وزدىگىمەن اياعىن باسىپ، جۇرە الادى. سونداي-اق بوكسشىمىزدىڭ اقىل-ەسى جاقسى. ونىمەن قوسا، ايدوس دارىگەرلەردىڭ سۇراعىن ءتۇسىنىپ، ولارعا وپ-وڭاي جاۋاپ بەرىپ جاتىر. ماماندار مالىمەتىنە سايكەس، ايدوس تەز ساۋىعىپ كەلەدى.

وكىلىمىزدىڭ ايتۋىنشا، تاياۋ ۋاقىتتا بوكسشىمىز اۋرۋحانادان شىعارىلىپ، وتانىنا ورالۋى ىقتيمال.

سونداي-اق اقش-قا ايدوستىڭ جۇبايى باردى. ءقازىر ول بوكسشىنىڭ جانىندا. ارينە، ول ءۇشىن بۇل ۇلكەن قولداۋ»، - دەپ حابارلادى Suleimen Promotions كومپانياسىنىڭ وكىلدەرى.

ەسكە سالا كەتسەك، قاراشا ايىنىڭ باسىندا قازاقستاندىق بوكسشى كۋبالىق داۆيد موررەلدەن نوكاۋتپەن جەڭىلگەن بولاتىن. سۋپەر ورتا سالماق ساناتىنداعى جەكپە-جەك WBAء-دىڭ «تۇراقتى» الەم چەمپيونى اتاعى ءۇشىن ءوتتى.

ايقاستان كەيىن ا.ەربوسىن ۇلى شۇعىل تۇردە ميننەاپوليس قالاسىنداعى اۋرۋحانالاردىڭ بىرىنە جەتكىزىلدى. وعان «ميىنا قان كەتۋ» دياگنوزى قويىلدى. بۇدان ءارى ول جاساندى تۇردە كوماعا جىبەرىلىپ، وتا جاسالدى.