دوستىق ۇيىندە الماتى قالاسى اكىمىنىڭ ورىنباسارى ارمان قىرىقبايەۆتىڭ توراعالىعىمەن «قازاقستان حالقى اسسامبلەياسىنىڭ XXXII سەسسياسىنىڭ مىندەتتەرى جانە ولاردى ىسكە اسىرۋ جولدارى» تاقىرىبىندا الماتى قالاسى قازاقستان حالقى اسسامبلەياسىنىڭ XXV سەسسياسى ءوتتى،-دەپ حابارلايدى Almaty-akshamy.kz.
ءىس-شاراعا الماتى اۋداندارى اكىمدەرىنىڭ ورىنباسارلارى، قالالىق باسقارمالاردىڭ باسشىلارى، قازاقستان حالقى اسسامبلەياسىنىڭ الماتى وكىلدىگىنىڭ مۇشەلەرى مەن رەسپۋبليكالىق جانە قالالىق ەتنومادەني بىرلەستىكتەردىڭ ءتوراعالارى قاتىستى.
ارمان قىرىقبايەۆ ءوز سوزىندە قالالىق اسسامبلەيانىڭ ەلدى ساياسي جاڭعىرتۋداعى، جالپىۇلتتىق بىرلىكتى نىعايتۋداعى ماڭىزدى ءرولىن اتاپ ءوتتى.
– الماتى – تاريحى مەن مادەنيەتى مول كوپۇلتتى قالا. مۇندا ءارتۇرلى ەتنوستار مەن ۇلتتاردىڭ كوپتەگەن وكىلدەرى تۇرادى. بۇگىنگى شارا قالالىق اسسامبلەيا جۇمىسىن جەتىلدىرۋ بارىسىندا وتە ءتيىمدى سەرپىلىس بەرەتىنىنە سەنىمدىمىن. اسسامبلەيا اتقاراتىن جۇمىستىڭ ارقاۋى – ستراتەگيالىق قۇجاتتاردى جۇرتشىلىق اراسىندا ءتۇسىندىرۋ، ولاردىڭ ىسكە اسىرۋعا قوعامدى جۇمىلدىرۋ، – دەپ اتاپ ءوتتى قالا اكىمىنىڭ ورىنباسارى.
ايتا كەتەيىك، اسسامبلەيا رۋحاني قۇندىلىقتاردى ىلگەرىلەتۋ بويىنشا جالپىۇلتتىق ماڭىزى بار جوبالاردى ىسكە اسىرادى، ۆولونتەرلىك جانە قايىرىمدىلىق ءىس-شارالاردى بەلسەندى قولدايدى، مەدياسيا ينستيتۋتىنىڭ دامۋىنا ۇلەس قوسادى، جاستارمەن تىعىز جۇمىس جۇرگىزەدى.
ارمان قىرىقبايەۆ ءاقپاراتتىق-تۇسىندىرۋ جۇمىستارى ارقىلى پروفيلاكتيكانىڭ ماڭىزدىلىعىن اتاپ ءوتىپ، الەۋمەتتىك جەلىلەردەگى جۇمىسقا باسا نازار اۋدارۋدى، كەڭ اۋديتوريامەن جۇمىس ىستەۋدى ىلگەرىلەتۋدى، مەملەكەتتىك ۇلتتىق ساياساتتىڭ باسىمدىقتارى مەن اسسامبلەيا قۇندىلىقتارىن دايەكتى تۇردە قورعاۋدى ۇسىندى. سونداي-اق، ول ءماجىلىس دەپۋتاتتارىمەن ءوزارا ءىس-قيمىل جانە الماتى ءماسليحاتى جانىنان وسىنداي توپ قۇرۋ ماسەلەسىن قوزعادى.
قالا اكىمىنىڭ ورىنباسارى ءبىلىم جانە جاستار ساياساتى باسقارمالارىنا اسسامبلەيانىڭ قوعامدىق قۇرىلىمدارىن ءبىلىم بەرۋ مەكەمەلەرىندە ءاقپاراتتىق-تۇسىندىرۋ جۇمىستارىنا تارتۋ جونىندە شارالار قابىلداۋدى تاپسىردى.
«جاستار اسسامبلەياسى وزدەرىنىڭ ءىس-شارالارى مەن بىرلەستىك قاتارىنا كوبىرەك تارتۋ ماقساتىندا جاستار قوزعالىستارىنىڭ كوشباسشىلارىمەن جانە جاستارمەن ءتۇسىندىرۋ جۇمىستارىن كۇشەيتۋى قاجەت. ءبىلىم بەرۋ، جۇمىسقا ورنالاستىرۋ، كاسىپكەرلىك جانە ت.ب. ماسەلەلەرى بويىنشا ءىس-شارالار ۇيىمداستىرۋ، الەۋمەتتىك جەلىلەردە حالىق بىرلىگىن نىعايتۋ بويىنشا ءتۇسىندىرۋ جۇمىستارى ءجيى جۇرگىزىلۋ كەرەك. مۇنىڭ ءبارى جاس ۇرپاقتىڭ ەكونوميكالىق، يننوۆاسيالىق، شىعارماشىلىق بەلسەندىلىگىن ىسكە اسىرۋ ءۇشىن بارىنشا قولايلى جاعداي جاساۋعا مۇمكىندىك بەرەدى»، – دەپ اتاپ ءوتتى ا.قىرىقبايەۆ.
وتىرىس بارىسىندا قالالىق اسسامبلەيا ءتوراعاسىنىڭ ورىنباسارى، الماتىداعى «قازاقستان ورىس مادەني ورتالىعىنىڭ» ءتوراعاسى ۆسيەۆولود لۋكاشيەۆ ءسوز سويلەدى. الماتى قحا اقساقالدار كەڭەسى جۇمىسى تۋرالى ونىڭ ءتوراعاسى احمەتجان شاردينوۆ ايتىپ بەردى. قحا-نىڭ جاستار ساياساتىنا الماتى قالاسىنداعى «اسسامبلەيا جاستارى» رقب وكىلدىگىنىڭ كۋراتورى، ۇيعىر جاستار وداعىنىڭ ءتوراعاسى رۋستام قايىرايەۆ ەگجەي-تەگجەيلى توقتالدى. ال قحا مۇشەسى، «سويلە» قازاق ءتىلى كلۋبىنىڭ وقىتۋشىسى الينا كان اسسامبلەيا جۇمىسى توڭىرەگىندە جانە قازاق ءتىلىن قاراپايىم ءارى قىزىقتى جولمەن قالاي ۇيرەنۋگە بولاتىنى تۋرالى باياندادى.
كەزدەسۋ بارىسىندا قاتىسۋشىلار بولاشاققا ارنالعان مىندەتتەردى ايقىنداپ، اسسامبلەيانىڭ XXXII سەسسياسىندا بەرىلگەن تاپسىرمالاردى ىسكە اسىرۋ بويىنشا بىرلەسكەن جۇمىستىڭ ودان ءارى باعىتتارىن تالقىلادى.