الماتىدا «قازاقستاننىڭ ۇزدىك تاۋارى» بايقاۋ-كورمەسىنىڭ وڭىرلىك كەزەڭى ءوتتى.
اباي الاڭىندا، رەسپۋبليكا سارايىنىڭ الدىندا «قازاقستاننىڭ ۇزدىك تاۋارى» رەسپۋبليكالىق بايقاۋىنىڭ وڭىرلىك كەزەڭى ءوتتى. ءىس-شاراعا الماتى اكىمى دارحان ساتىبالدى، «اتامەكەن» ۇلتتىق كاسىپكەرلەر پالاتاسى پرەزيديۋمىنىڭ ءتوراعاسى رايىمبەك باتالوۆ، سونداي-اق قالا كاسىپكەرلەرى قاتىستى.
بۇل بايقاۋ 2006 جىلدان بەرى مەملەكەت باسشىسىنىڭ تاپسىرماسىمەن وتكىزىلىپ كەلەدى. ماقساتى – وتاندىق وندىرۋشىلەردى قولداۋ، شاعىن جانە ورتا بيزنەستى دامىتۋ، قازاقستاندىق ءونىمدى تۇتىنۋ مادەنيەتىن قالىپتاستىرۋ جانە ىشكى نارىقتى ساپالى، باسەكەگە قابىلەتتى تاۋارمەن قامتاماسىز ەتۋ.
الماتى اكىمى دارحان ساتىبالدى قاتىسۋشىلاردى قۇتتىقتاپ، بايقاۋدىڭ كاسىپكەرلىكتى قولداۋداعى ماڭىزىنا توقتالدى. اكىمنىڭ ايتۋىنشا، وڭىرلىك كەزەڭنىڭ جەڭىمپازدارى ۋاقىت سىنىنان وتكەن ءونىم ساپاسىنىڭ مويىندالۋىنا قول جەتكىزىپ قانا قويماي، الماتىنى ۇلتتىق دەڭگەيدە تانىستىرۋ جاۋاپكەرشىلىگىن دە ارقالايدى.
«قۇرمەتتى قاتىسۋشىلار مەن جەڭىمپازدار! سىزدەرمەن بۇگىن وسىندا جۇزدەسكەنىمە قۋانىشتىمىن. «قازاقستاننىڭ ۇزدىك تاۋارى» بايقاۋى الماتىدا يگى داستۇرگە اينالدى. جەڭىس جاي عانا ماراپات ەمەس، بۇل ەڭ اۋەلى سىزدەردىڭ ونىمدەرىڭىزدىڭ جوعارى ساپاسىنا بەرىلگەن باعا. سىزدەردىڭ تاۋارلارىڭىزدى الماتىلىقتار عانا ەمەس، ەلىمىزدىڭ سەرىكتەستەرى دە تاڭدايدى. سىزدەر ۇلتتىق كەزەڭدە قالامىزدى نامىسىن لايىقتى قورعايسىزدار دەپ سەنەمىن. الماتى ەلدەگى كاسىپكەرلىك دامۋىنىڭ ناعىز ورتالىعى، ءارقايسىڭىز "قازاقستاندا جاسالعان" برەندىنە ۇلەس قوسىپ وتىرسىزدار»، – دەدى دارحان ساتىبالدى.
بايقاۋدىڭ جەڭىمپازدارى:
- وندىرىستىك ماقساتتاعى ۇزدىك تاۋارلار: «KazMedAspap» ج ش س، «QAZAQ TIGIN FABRIKASY» ج ش س، «IT&M» ج ش س
- حالىق تۇتىناتىن ۇزدىك تاۋارلار: «KSC-PLAST» ج ش س، «PAPIRONE» ج ش س، «Aigul Line» ج ش س
- ۇزدىك ازىق-تۇلىك تاۋارلارى: «بيجان ەت وڭدەۋ زاۋىتى» ج ش س، «جيگالما» ج ش س، «GOJI» ج ش س
- ارنايى نوميناسيا «سالا كوشباسشىسى – قالانىڭ سەرىكتەسى»: «Mega بەتون پليۋس» ج ش س، «قازلەگپروم-الماتى» ج ش س، «استانا موتورس» كومپانيالار توبى، «MARCHALL» ج ش س، «اي-حانىم» جك (Qulpynai)، «Le Porte M» ج ش س، «Xfinity Solutions» ج ش س، «قازاقستاندىق قۇبىر جۇيەلەرى» ج ش س، «TELLI ONDIRIS» ج ش س، «TEPLOSTIL» ج ش س، «BLS GROUP» ج ش س، «City Stone» ج ش س، «Lemonadoff Food» ج ش س، «KNG.PRO» ج ش س.
وڭىرلىك كەزەڭنىڭ جەڭىمپازدارى رەسپۋبليكالىق فينالدا ب ا ق سىناپ، «قازاقستاننىڭ ۇزدىك تاۋارى» اتاعىنا ۇمىتكەر اتانادى. ءىس-شارا بارىسىندا ونىمدەر كورمەسى، كونسەرتتىك باعدارلاما مەن ماراپاتتاۋ ءراسىمى ءوتتى.
سونىمەن بىرگە «ءبىر اۋىل – ءبىر ءونىم» جوباسى اياسىندا الماتىلىق وندىرۋشىلەردىڭ جارمەڭكەسى ۇيىمداستىرىلدى. وندا 40-قا جۋىق شاعىن جانە ورتا بيزنەس وكىلى مەن جەكە كاسىپكەر ونىمدەرىن ۇسىندى. جارمەڭكە قورىتىندى بويىنشا 10 ۇزدىك ءوندىرۋشى انىقتالىپ، ولار وڭىرلىك برەند كوميتەتىنىڭ ىرىكتەۋ كەزەڭىنە جولداما الدى.