جولدى جوندەۋ جانە جول ينفراقۇرىلىمىن دامىتۋدىڭ ودان ارعى جوسپارى جايلى وكق بريفينگىندە المالى اۋدانىنىڭ اكىمى ايدار جاقىبايەۆ ايتىپ بەردى.
المالى اۋدانىنىڭ باسشىسى جولداردى ورتاشا جوندەۋ اياسىندا ۇزىندىعى 24،2 كم 16 كوشەنى جوندەۋ جوسپارلانعانىن اتاپ ءوتتى، دەپ حابارلايدى Almaty-akshamy.kz.
بۇگىنگى تاڭدا ۇزىندىعى 22 كم-دەن اساتىن 14 كوشە بويىنشا جۇمىستار اياقتالدى. قاراشا ايىنىڭ سوڭىنا دەيىن رادوستوۆەس جانە چايكوۆسكيي كوشەلەرىندە جوندەۋ جۇمىستارىن اياقتاۋ جوسپارلانۋدا.
سونىمەن قاتار، اۋداندا تروتۋارلارعا اۋقىمدى جوندەۋ جۇمىستارى جۇرگىزىلۋدە. 14 مەكەنجاي بويىنشا 6،1 شاقىرىمنان استام تروتۋارلاردى قايتا جاڭارتۋ جانە سالۋ جۇمىستارى جۇرگىزىلدى.
«جول قوزعالىسىنا قاتىسۋشىلاردىڭ قاۋىپسىزدىگىن قامتاماسىز ەتۋ ماقساتىندا ەكى كەزەڭ اياسىندا 29 مىڭ م2 جول اعىمداعى جوندەۋمەن قامتىلدى»، - دەپ تولىقتىردى ا. جاقىبايەۆ.
اۋدان اۋماعىندا ۇزىندىعى 170 كم-دەن اساتىن 110 كوشە بار، ونىڭ ىشىندە ماگيسترالدىق ماڭىزى بار 35 كوشە، اۋداندىق ماڭىزى بار 30 كوشە جانە جەرگىلىكتى ماڭىزى بار 45 كوشە.
ءۇشىنشى كەزەڭ بويىنشا جۇمىستار جۇرگىزىلۋدە، ونىڭ شەڭبەرىندە 10 مىڭ م2 جولدى جوندەۋ جوسپارلانۋدا. وسىلايشا، اۋداننىڭ جولدارىن اعىمداعى جوندەۋ بويىنشا جۇمىستاردىڭ جالپى كولەمى جىل سوڭىنا دەيىن شامامەن 40 مىڭ م2 قۇرايدى.
سونىمەن قاتار، 13 كوشە بويىندا 19 مىڭ م2 تەحنيكالىق تروتۋار سالۋ جوسپارلانۋدا. بۇگىنگى تاڭدا گاندي ساياباعىنىڭ اينالاسىنداعى جاروكوۆ جانە جامبىل كوشەلەرى بويىنشا جۇمىستار اياقتالدى. سونداي-اق، جەلتوقسان، ناۋرىزباي باتىر، قۇرمانعازى، شيەۆچەنكو، ماقاتايەۆ، مامەتوۆ سياقتى التى كوشە بويىنشا جۇمىستار جۇرگىزىلۋدە.
اۋدان اكىمى ءوز سوزىندە كوشەلەر مەن تروتۋارلاردى سۋ باسۋدىڭ الدىن الۋ ءۇشىن ارىق جەلىلەرىن سالۋ جانە رەكونسترۋكسيالاۋ جۇمىستارى جۇرگىزىلىپ جاتقانىن اتاپ ءوتتى. بۇگىنگى تاڭدا بۇل جۇمىستار ۇزىندىعى 10 كم-دەن استام ۋچاسكەلەردە اياقتالدى: ماناس كوشەسى؛ شيەۆچەنكو كوشەسى؛ ۆولحوۆسكايا كوشەسى؛ قۇرمانعازى كوشەسى؛ ليحاچيەۆ كوشەسى؛ تۇركەبايەۆ كوشەسى؛ قابانباي باتىر كوشەسى جانە ت. ب.
«المالى اۋدانىندا 219 شاقىرىم ارىق جەلىسى بار. پروبلەمالىق 23 ارىقتىڭ 2ء-ۋى قالدى،ولار: رايىمبەك كوشەسى 1، مەحانيچەسكايا كوشەسىنىڭ قيىلىسى جانە ماقاتايەۆ كوشەسى 1، ءشارىپوۆ كوشەسىنىڭ قيىلىسى. الماتى قالاسىنىڭ ەكولوگيا جانە قورشاعان ورتا باسقارماسى 52 كوشە بويىنشا 42 كم ارىق جەلىلەرىن سالۋ جانە قايتا جاڭارتۋ بويىنشا جوبا ازىرلەدى. اعىمداعى جىلدىڭ سوڭىنا دەيىن 2 كم اياقتالادى، قالعان 29 كم 2024 جىلى اياقتالادى دەپ جوسپارلانۋدا»، - دەپ قورىتىندىلادى ا. جاقىبايەۆ.