الماتىدا قازاقستانداعى العاشقى كرەماتوريي جاقىن ارادا جۇمىسىن باستايدى. بۇل تۋرالى قالالىق قوعامدىق دەنساۋلىق ساقتاۋ باسقارماسى مالىمدەدى، - دەپ حابارلايدى aqshamnews.kz ءتىلشىسى.
ۆەدومستۆونىڭ مالىمەتىنشە، 9 قاڭتاردا ادىلەت مينيسترلىگىندە ۇلتتىق ەكونوميكا مينيسترلىگىنىڭ بۇيرىعى تىركەلگەن. قۇجاتتا جەرلەۋ جانە قابىرلەردى كۇتىپ-ۇستاۋ ءىسىن ۇيىمداستىرۋدىڭ قاعيدالارىنا وزگەرىستەر ەنگىزۋ كوزدەلگەن.
قابىلدانعان تۇزەتۋلەر كرەماتورييلەردىڭ قىزمەتىنە قۇقىقتىق نەگىز قالىپتاستىرىپ، قازاقستان اۋماعىندا كرەماسيا ءراسىمىن العاش رەت زاڭنامالىق دەڭگەيدە جۇرگىزۋگە مۇمكىندىك بەرەدى.
"بۇيرىق كۇشىنە ەنگەننەن كەيىن الماتىداعى كرەماتوريي جۇمىسىن باستاپ، سانيتارلىق جانە قۇقىقتىق تالاپتاردى ساقتاي وتىرىپ، بەلگىلەنگەن تارتىپپەن قىزمەت كورسەتەدى"، – دەلىنگەن حابارلامادا.
سونىمەن قاتار، ءقازىر الماتى قالالىق پاتولوگواناتوميالىق بيۋروسىنىڭ بايقاۋ كەڭەسى ارقىلى كرەماسيا قىزمەتتەرىنىڭ باعالار تىزبەسىن بەكىتۋ ءراسىمى جالعاسىپ جاتىر.
تاريفتەر مەن قىزمەت كورسەتۋ ءتارتىبى تۋرالى اقپارات الماتى قالالىق پاتولوگواناتوميالىق بيۋروسىنىڭ رەسمي سايتىندا جاريالاناتىن بولادى.
ەسكە سالايىق، 2025 جىلعى قىركۇيەكتە الماتىنىڭ كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسى الداعى التى-جەتى جىلدا قالاداعى زيراتتاردا مارقۇمداردى جەرلەۋگە ورىن قالمايتىنىن مالىمدەگەن ەدى. ولاردىڭ دەرەگىنشە، 2025 جىلعى جاعداي بويىنشا الماتىدا 70 زيرات بار، سونىڭ 61ء-ى جابىلعان. جاڭا زيراتتارعا ارنالعان جەر تەلىمدەرى بەكىتىلىپ جاتىر، الايدا ولار الماتى وبلىسىنىڭ اۋماعىندا ورنالاسادى.