الماتىدا «قازاقستان «رترك» اق جاڭا مەديا ورتالىعىنىڭ قۇرىلىسى جالعاسۋدا. بۇگىنگى تاڭدا نەگىزگى قۇرىلىس-مونتاجداۋ جۇمىستارىنىڭ 60% ورىندالدى.
قۇرىلىستى قارجىلاندىرۋ 93،3% - عا الماتى قالاسىنىڭ بيۋدجەتى ەسەبىنەن (22،2 ملرد تەڭگە) جۇرگىزىلەدى. قۇرىلىستى اياقتاۋ 2025 جىلدىڭ جەلتوقسانىنا جوسپارلانعان. بۇل تۋرالى قالا اكىمى ەربولات دوسايەۆتىڭ مەملەكەت باسشىسىنا 2025 جىلعى 1-30 ءساۋىر ارالىعى كەزەڭىندەگى ەسەبىندە ايتىلعان.
الماتى قۇرىلىس باسقارماسىنىڭ اقپاراتىنا سايكەس، بولاشاق مەديا ورتالىق زاماناۋي تەلەستۋديالارمەن، دىبىستىق پاۆيلوندارمەن، مونتاجداۋ زالدارىمەن جانە ىسكەرلىك ءىس-شارالارعا ارنالعان كەڭىستىكتەرمەن جاراقتاندىرىلاتىن بولادى.
تەحنيكالىق جاراقتاندىرۋ حالىقارالىق دەڭگەيدە تەليەۆيزيالىق جانە كينەماتوگرافيالىق كونتەنت جاساۋعا، سونداي-اق سيفرلىق فورماتتاردى دامىتۋعا مۇمكىندىك بەرەدى. بۇل ۇزدىك الەمدىك ستاندارتتارعا سايكەس كەلەتىن زاماناۋي، تەحنولوگيالىق مەدياورتالىق بولادى.