2025 جىلدىڭ 5 قازانىندا الماتى يپپودرومى ۇلى دالانىڭ كۇش-قۋاتى، ەپتىلىگى مەن رۋحىن توعىستىرعان الاڭعا اينالادى.
يپپودرومدا ۇلتتىق سپورت تۇرلەرى مەن داستۇرلەردى جاڭعىرتۋعا جانە ناسيحاتتاۋعا باعىتتالعان مادەني-سپورتتىق مەرەكە “ۇلى دالا ويىندارى” فەستيۆالى وتەدى، دەپ حابارلايدى aqshamnews.kz
باستالۋى: 10:00
كىرۋ: تەگىن
فەستيۆال جۇرەگى — ات جارىسى ويىندارى
باس ارەنادا قوناقتاردى ەلىمىزدىڭ ۇزدىك شاباندوزدارىنىڭ كوكپار، اۋدارىسپاق، تەڭگە ءىلۋ، جامبى اتۋ، قىز قۋۋ، بايگە (الامان، قۇنان) سايىستارى كۇتەدى.
“بايگە” سايىسىنداعى جۇلدە قورى 5 ميلليون تەڭگە. بۇل فەستيۆالدەگى باستى كۇتىلەتىن وقيعا. سايىستا جىلدامدىق، توزىمدىلىك پەن شەبەرلىك سىنالادى.
ۇلتتىق سپورت تۇرلەرى
فەستيۆال اياسىندا قازاق كۇرەسى، اسىق اتۋ، قول كۇرەسى، سالماق كوتەرۋ، ساداق اتۋ سەكىلدى ۇلتتىق جانە كۇش سايىستارى وتكىزىلەدى.
قولونەر مەن ۇلتتىق مۇرا ايماعى
فەستيۆال اياسىندا قازاقستاننىڭ تۇكپىر-تۇكپىرىنەن كەلگەن شەبەرلەردىڭ ەڭبەكتەرى ۇسىنىلاتىن ەتنو-جارمەڭكە وتەدى.
قوناقتار:
– تەرىدەن، اعاشتان، مەتالدان جانە كيىزدەن جاسالعان بۇيىمداردى،
– ءداستۇرلى قولونەر بويىنشا شەبەرلىك ساباقتاردى تاماشالايدى.
– مادەني ءداستۇر يەلەرىمەن تىكەلەي بايلانىسا الادى.
قويىلىمدار
– بۇركىتپەن اڭ اۋلاۋ. ۇرپاقتان-ۇرپاققا بەرىلىپ كەلە جاتقان ونەر.