الاش ارىستارى جانە «قازاق» گازەتىنىڭ ءار جىلدارداعى جارىققا شىققان باسىلىمدارىنان كىتاپ كورمەسى ۇيىمداستىرىلدى.
بۇگىن ق ر ۇلتتىق كىتاپحاناسىنىڭ ن. داۋلەتوۆا اتىنداعى زالىندا «قازاق» گازەتىنىڭ 110 جىلدىعىنا ارنالعان «ۇلت رۋحىن اسقاقتاتقان باسىلىم» اتتى رەسپۋبليكالىق كونفەرەنسيا ءوتتى، دەپ حابارلايدى Almaty-akshamy.kz.
شارانى قازاقستان رەسپۋبليكاسى اقپارات جانە قوعامدىق دامۋ ۆيسە-مينيسترى ىسقاقوۆ قانات جۇماباي ۇلى قۇتتىقتاۋ سوزبەن اشىپ، حح عاسىردىڭ باسىنداعى قازاق حالقىنىڭ تاريحى مەن مادەنيەتىنىڭ ايناسىنا اينالعان «قازاق» گازەتىنىڭ تاريحىنا توقتالىپ، سول سارا جولدى جالعاستىرۋشى بۋىنعا العىسىن ءبىلدىردى.
جيىن بارىسىندا تاريح عىلىمدارىنىڭ دوكتورى مامبەت قويگەلدى؛ قازاقستان جۋرناليستەر اكادەمياسىنىڭ پرەزيدەنتى، تاريح عىلىمدارىنىڭ دوكتورى ساعىمباي قوزىبايەۆ، جۋرناليست، قوعام قايراتكەرى ابدىجالەل باكىر، تاريح عىلىمدارىنىڭ دوكتورى، پروفەسسور حانكەلدى ءابجانوۆ، قوعام قايراتكەرى، جازۋشى-پۋبليسيست مارات توقاشبايەۆ، «قازاق» گازەتىنىڭ قۇرىلتايشىسى ماحمۇت نالىبايەۆ ءسوز سويلەدى.
سونىمەن قاتار، فيلولوگيا عىلىمدارىنىڭ دوكتورى، پروفەسسور باعدان مومىنوۆا «قازاق» گازەتى - توتە جازۋ، ەملە العاش سىنالعان الاش ءۇنى» تاقىرىبىندا، ا.بايتۇرسىن ۇلى مۋزەي-ۇيىنىڭ جەتەكشىسى، احمەتتانۋشى رايحان يماحانبەت «قازاق» گازەتى – ۇلتتىق بولمىستىڭ كوشباسشىسى» تاقىرىبىندا، ادەبيەت سىنشىسى، الاشتانۋشى-عالىم، «دارىن» مەملەكەتتىك جاستار سىيلىعىنىڭ يەگەرى ەلدوس توقتارباي «ۇلت رۋحىن اسقاقتاتقان باسىلىم» تاقىرىبىندا، تاريح عىلىمدارىنىڭ دوكتورى سۆەتلانا سماعۇلوۆا «قازاق» گازەتى جانە ۇلت زيالىلارى» تاقىرىبىندا بايانداما جاسادى.
«ارىس» باسپاسىنىڭ ديرەكتورى، فيلولوگيا عىلىمدارىنىڭ دوكتورى عاريفوللا انەس «قازاق گازەتىنىڭ 1913-1918 جىلدارداعى توپتاماسىن اراب الىپبيىنەن قازىرگى جازۋ ۇلگىسىنە كوشىرىلىپ، جارىق كورگەن كىتاپتارمەن تانىستىردى.
شارا اياسىندا قازاقستان رەسپۋبليكاسىنىڭ ۇلتىق كىتاپحاناسى قورىنان الاش ارىستارى جايلى جانە «قازاق» گازەتىنىڭ ءار جىلدارداعى جارىققا شىققان باسىلىمدارىنان كىتاپ كورمەسى ۇيىمداستىرىلدى.
ءىس-شارا سوڭىندا الاش ارىستارىنىڭ اماناتى، ۇلت ايناسىنا اينالعان «قازاق» گازەتىنىڭ دامۋىنا زور ۇلەس قوسقان سالا قىزمەتكەرلەرىنە ق ر اقپاراتتىق جانە قوعامدىق دامۋ مينيستىرلىگىنىڭ «اقپارات سالاسىنىڭ ۇزدىگى» توسبەلگىسى، قۇرمەت گراموتالارى جانە «قازاق گازەتىنە 110 جىل» مەرەيتويلىق توسبەلگىسى تابىستالدى.