ءماسليحاتتىڭ كەزەكتەن تىس XVI سەسسياسىندا دەپۋتاتتار قاتتى تۇرمىستىق قالدىقتاردى (قتق) جيناۋعا، تاسىمالداۋعا، سۇرىپتاۋعا جانە كومۋگە ارنالعان تاريفتەردى بەكىتتى، دەپ حابارلايدى almaty-akshamy.kz
ەسەپتەۋلەرگە سايكەس جىلدىق تاريف 1 م3 قالدىق ءۇشىن 3 309 تەڭگەنى قۇرادى، ايلىق تاريف ءبىر ادامعا ايىنا 718،5 تەڭگەنى قۇرادى. ورتاشا ستاتيستيكالىق پاتەرلەر ءۇشىن كوممۋنالدىق قىزمەتتەردىڭ تولەم سوماسى قتق شىعارۋ ءتاريفى كوتەرىلسە ورتا ەسەپپەن 1،4%-عا ارتادى.
الەۋمەتتىك كومەك كورسەتۋ قاعيدالارىنا سايكەس حالىقتىڭ الەۋمەتتىك وسال توپتارىنا (ءحاوت) اتاۋلى الەۋمەتتىك كومەك كورسەتىلەدى. كوممۋنالدىق قىزمەتتەرگە جۇمسالعان شىعىستاردى وتەۋ ءۇشىن 2024 جىلدىڭ 1 مامىرىنان باستاپ ءحاوت ساناتىنداعى 315 430 تۇرعىنعا 0،05 اەك (184،6 تەڭگە) كولەمىندە اتاۋلى الەۋمەتتىك كومەك تولەنەتىن بولادى.
قولدانىستاعى تاريفتەر الماتى قالاسى ءماسليحاتىنىڭ 2017 جىلعى 15 قىركۇيەكتەگى №146 شەشىمىمەن بەكىتىلگەن بولاتىن. 2017-2023 جىلدار ارالىعىندا نارىق قاتىسۋشىلارى (قوقىس شىعاراتىن ۇيىمدار، قوقىس سۇرىپتايتىن كاسىپورىندار جانە پوليگون وپەراتورى) شىعىنداردىڭ ايتارلىقتاي وسكەنىن اتاپ ءوتتى. قتق شىعارۋ ءتاريفى كونتەينەرلىك الاڭداردان قالدىقتاردى جيناۋ جانە ولاردى قوقىس سۇرىپتاۋ كاسىپورىندارىنا تاسىمالداۋ، قالدىقتاردى سۇرىپتاۋ، پايدالى فراكسيالاردى ودان ءارى قايتا وڭدەۋگە شىعارۋ، پوليگونعا كادەگە جاراتپايتىن فراكسيالاردى تاسىمالداۋ، پوليگوندا قالدىقتاردى قابىلداۋ جانە ولاردى كومۋ بويىنشا شىعىستاردى قامتيدى. بۇل رەتتە 2017 جىلدان باستاپ ورتاشا جالاقى 2 ەسەگە، ديزەل وتىنىنىڭ ورتاشا قۇنى 3 ەسەگە ۇلعايدى، ارنايى تەحنيكانىڭ قوسالقى بولشەكتەرىنە شىعىندار ءوستى.
قازىرگى ۋاقىتتا الماتى اكىمدىگى قتق جيناۋ جانە ونى شىعارۋ ءۇشىن ينفراقۇرىلىمدى ساپالى جاڭعىرتۋ جۇمىستارىن جالعاستىرۋدا. 2024-2025 جىلدارى 671 كونتەينەر الاڭىندا 2 905 تەرەڭدەتىلگەن كونتەينەردى اۋىستىرۋ جانە ورناتۋ جوسپارلانعان. 2024 جىلعى قاڭتاردا GPS-ترەكەرلەرمەن جاراقتاندىرىلعان زاماناۋي ارنايى تەحنيكانىڭ، قالدىقتاردى سۇرىپتاۋعا ارنالعان شارتتاردىڭ، تەحنيكانى جاڭارتۋ جونىندەگى ينۆەستيسيالىق باعدارلامالار بويىنشا قاتىسۋشىلارعا قويىلاتىن تالاپتارمەن 5 جىل مەرزىمگە قتق شىعارۋداعى اشىق تەندەر وتكىزىلدى.