2024 جىلى الماتىدا كونتەينەرلىك الاڭداردى جاڭعىرتۋ جانە ەسكى مەتالل كونتەينەرلەردى زاماناۋي پلاستيكالىق تەرەڭدەتىلگەن مودەلدەرگە اۋىستىرۋ بويىنشا بەلسەندى جۇمىستار جۇرگىزىلدى.
بۇل 3 م3 كونتەينەرلەر وتقا ءتوزىمدى جانە ىلعالدان قورعايتىن ماتەريالداردىڭ ارقاسىندا ورنالاستىرۋ الاڭىن ازايتۋدى، جاعىمسىز يىستەر مەن جانۋارلاردىڭ قول جەتىمدىلىگىن بلوكتاۋدى، پايدالانۋدىڭ ىڭعايلىلىعىن قامتاماسىز ەتەدى، دەپ حاباراليدى aqshamnews.kz.
بۇگىنگى تاڭدا قالادا 1 454 كونتەينەرلىك الاڭ ورناتىلعان، ونىڭ 287 – ءى تەرەڭدەتىلگەن.
ەكولوگيالىق مادەنيەتتى دامىتۋ ماقساتىندا الماتىدا ەcosen جانە ەكوحاب Econetwork ەكوستانسيالارىن قوسا العاندا، قايتالاما شيكىزاتتى قابىلداۋدىڭ 8 كەشەندى پۋنكتى جۇمىس ىستەيدى. قالدىقتاردىڭ «قۇرعاق» فراكسيالارىن جيناۋ ءۇشىن 1300-دەن استام تورلى كونتەينەرلەر ورناتىلدى، جىل باسىنان بەرى پلاستيكالىق جانە اليۋمينيي سۋسىن بانكالارىن قابىلداۋعا ارنالعان 53 فاندومات ىسكە قوسىلدى.
«Green Recycle» ج ش س قوقىس سۇرىپتاۋ كەشەنى جىلىنا 550 مىڭ تونناعا دەيىن قالدىقتاردى وڭدەيدى. 2024 جىلدىڭ 11 ايىندا قالدىقتاردىڭ 15،2% قايتا وڭدەلدى، بۇل 74 637 توننا قايتالاما شيكىزاتقا سايكەس كەلەدى.
جالپى، قالا اۋماعىندا تۇرعىنداردان قتق جيناۋ جانە اكەتۋ بويىنشا 100% قامتۋ قامتاماسىز ەتىلگەن. قالدىقتاردى شىعارۋ بويىنشا قىزمەتتەردى 21 قوقىس شىعارۋشى ۇيىم ۇسىنادى. بارلىعى 283 ارنايى تەحنيكا جۇمىلدىرىلدى.
بۇل كۇش-جىگەر الەمدىك ستاندارتتارعا سايكەس كەلەتىن قالدىقتاردى باسقارۋدىڭ ءتيىمدى جۇيەسىن قۇرۋعا جانە الماتى تۇرعىندارى ءۇشىن ەكولوگيالىق قاۋىپسىزدىكتى ارتتىرۋعا باعىتتالعان.