الماتىدا سوڭعى ەكى جىلدا IT-ەكوجۇيەنى دامىتۋعا 19،2 ملن اقش دوللارى (9،9 ملرد تەڭگە) ينۆەستيسيا تارتىلدى، دەپ حابارلايدى aqshamnews.kz.
بۇل تۋرالى قالانىڭ سيفرلاندىرۋ باسقارماسى حابارلادى.
شاھار باسشىسى ەربولات دوسايەۆتىڭ تاپسىرماسىمەن الماتىدا 2022–2024 جىلدارعا ارنالعان «الماتى IT-ەكوجۇيەسىن دامىتۋ» ءۇش جىلدىق جوباسى جۇزەگە اسىرىلۋدا. جوبا سمارت-قالالار، جاساندى ينتەللەكت، ۇلكەن دەرەكتەر جانە تۇراقتى دامۋ سياقتى نەگىزگى باعىتتاردا IT-ەكوجۇيەنى دامىتۋعا جانە ستارتاپتاردى قولداۋعا باعىتتالعان.
MOST ءىس-شارالارىنا 7 مىڭنان استام ادام قاتىستى. تارتىلعان ينۆەستيسيالاردىڭ جالپى سوماسى 19،2 ملن اقش دوللارى، ال ستارتاپتاردىڭ جيىنتىق تابىسى 5،37 ملرد تەڭگەگە جەتتى. جوبا اياسىندا 2 049 جۇمىس ورنى قۇرىلدى.
اكسەلەراسيا جانە ينكۋباسيا باعدارلامالارىن 309 ستارتاپ ءساتتى اياقتادى، ولاردىڭ 16-سى حالىقارالىق نارىقتاردا ساتىلىمدارىن راستادى. جوبا اياسىندا 1 189 IT-مامان مەن 101 كاسىپكەر وقىتىلدى.
سونىمەن قاتار، «Digital Urban Planner، Smart City Engineer» باعدارلاماسى بويىنشا 55 مامان دايارلاندى.