الماتىدا قاتەرلى ىسىكتى ەرتە كەزەڭىندە انىقتاۋ بويىنشا اشىق ەسىك كۇنى وتەدى

كولورەكتالدىق قاتەرلى ىسىگى بويىنشا ونكولوگتار تەگىن قابىلداۋ جۇرگىزەدى

4-8 ءساۋىر ارالىعىندا قازاقستاننىڭ وڭىرلىك ونكولوگيالىق ۇيىمدارىندا كولورەكتالدى قاتەرلى ىسىكتىڭ الدىن الۋ جانە ەرتە دياگنوستيكالاۋ بويىنشا اشىق ەسىك كۇنى وتەدى، دەپ حابارلايدى Almaty-akshamy.kz قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسپا ءسوز قىزمەتىنە سىلتەمە جاساپ.

دەنساۋلىق اپتالىعى شەڭبەرىندە 2022 جىلعى 4-8 ءساۋىر ارالىعىندا قازاقستاننىڭ ونكولوگيالىق مەكەمەلەرىندە كولورەكتالدىق قاتەرلى ىسىگى (توق ىشەك وبىرى) بويىنشا ونكولوگتار تەگىن قابىلداۋ جۇرگىزەدى.

كونسۋلتاسيالىق قابىلداۋ ۋاقىتى-14.00-دەن 17.00-گە دەيىنگى ارالىقتا جۇزەگە اسىرىلادى.

«مساك ۇيىمدارىنىڭ ونكولوگتارى «جاسىل ءدالىز» بويىنشا جۇمىس ساعاتتارىندا تەكسەرۋ كابينەتىندە نەمەسە جالپى پراكتيكا دارىگەرىنىڭ قابىلداۋىندا انىقتالعان ونكوپاتولوگياعا كۇدىكتى پاسيەنتتەردى قابىلداۋدى تۇراقتى نەگىزدە جۇزەگە اسىرادى.

سونداي-اق، كەز كەلگەن كۇنى ەمحانالاردا ءمامس شەڭبەرىندە ءاربىر جاسى كەلگەن ادام كەلەسى تەگىن ونكوسكرينينگتەردەن وتە الادى:
1. كولورەكتالدى قاتەرلى ىسىك اۋرۋىنا (50-70 جاسىنداعى ەرلەر مەن ايەلدەر)؛
2. ءسۇت بەزى وبىرىنا سكرينينگ (40-70 جاسىنداعى ايەلدەر)
3. جاتىر موينى وبىرىنا سكرينينگ (30-70 جاسىنداعى ايەلدەر).