«وميكرون» شتامىنىڭ جاڭا مۋتاسيالانعان ءتۇرى – حە انىقتالدى
ۇلىبريتانيادا كوروناۆيرۋستىڭ جاڭا مۋتاسيالانعان ءتۇرى انىقتالدى. شانحايدىڭ 26 ملن تۇرعىنى كوروناۆيرۋس انتيدەنەلەرىنە اناليز تاپسىرۋعا مىندەتتەلدى. بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ايتىلدى، دەپ حابارلايدى Almaty-akshamy.kz.
ۇلىبريتانيادا كوروناۆيرۋستىڭ «وميكرون» شتامىنىڭ جاڭا مۋتاسيالانعان ءتۇرى – حە انىقتالدى. ساراپشىلاردىڭ پىكىرىنشە، حە الدىڭعى نۇسقالارعا قاراعاندا قانشالىقتى جۇقپالى ەكەندىگى تۋرالى قورىتىندى جاساۋ ازىرگە ەرتەرەك. ۇلىبريتانيانىڭ دەنساۋلىق ساقتاۋ اگەنتتىگى جاڭا نۇسقانى زەردەلەۋدە. ازىرگە ساراپشىلار بۇل مۋتاسيانى جۇقتىرۋ قارقىنى «ستەلس-وميكرون» نەمەسە «وميكرون» BA.2 ءتۇرىنىڭ تارالۋىنان ايتارلىقتاي ەرەكشەلەنبەيتىنىن اتاپ ءوتتى. الايدا، سوڭعى زەرتتەۋلەر بويىنشا، XEء-دىڭ جۇعۋ جىلدامدىعى «ستەلس-وميكرونعا» قاراعاندا 9،8% جوعارى.
3 ساۋىردە شانحاي بيلىگى شامامەن 26 ميلليون حالقى بار قالانىڭ بارلىق تۇرعىنىن انتيدەنەلەردىڭ بار-جوعىن تەكسەرۋگە جانە انىقتالعان وڭ ناتيجەلەر تۋرالى جەدەل حابارلاۋعا مىندەتتەدى. دۇيسەنبىدە ازاماتتار ۆيرۋستىڭ بار-جوقتىعىن انىقتاۋ ءۇشىن پتر تەستىنى تاپسىرۋى كەرەك.
جۋرناليستەردىڭ ايتۋىنشا، قالادا كوروناۆيرۋس ينفەكسياسىنىڭ كوپتەگەن جاعدايلارى سيمپتومسىز بولىپ تابىلادى. جالپى، كونتينەنتالدى قىتايدا سوڭعى تاۋلىكتە COVID-19 جۇقتىرۋدىڭ كلينيكالىق بەلگىلەرى بار 1506 جانە سيمپتومسىز 11 781 دەرەگى انىقتالدى. بارلىعى دا - ۆيرۋستىڭ ەل ىشىندە تاراعان جاعدايلارى.