الماتى قالاسىندا ونكولوگيالىق كومەكتى 76 مساك ۇيىمى كورسەتەدى، ولاردىڭ نەگىزگى ماقساتىنىڭ ءبىرى بەلسەندى تۇردە ونكولوگيالىق اۋرۋدى ەرتە ساتىسىندا انىقتاۋ، دەپ حابارلادى الماتى ونكولوگيالىق ورتالىعى ديرەكتورىنىڭ ورىنباسارى جاننا كۋجايەۆا وكق-دە وتكەن بريفينگتە.
وسى ماقساتقا جەتۋ ءۇشىن جاتىر موينى وبىرى، ءسۇت بەزى وبىرى جانە توق ىشەك وبىرى بويىنشا ماقساتتى حالىقتى سكرينينگتىك تەكسەرۋ جۇرگىزىلەدى.
- 2023 جىلدىڭ قورىتىندىسى بويىنشا قالا بويىنشا سكرينينگتىك تەكسەرۋ جوسپارىنىڭ ورىندالۋى 99،6%-دى قۇرادى.
- سونىڭ ىشىندە 73 229 ايەل جاتىر موينى وبىرىنا، 82 944 ايەل ءسۇت بەزى وبىرىنا، 89 923 ناۋقاس توق ىشەك قاتەرلى ىسىگىنە سكرينينگتىك تەكسەرۋدەن ءوتتى.
- سكرينينگ ناتيجەسىندە ونكولوگيالىق اۋرۋدىڭ 298 جاعدايى انىقتالدى: 38 – جاتىر موينى وبىرى، ءسۇت بەزى وبىرى – 214، توق ىشەك وبىرى – 46 جاعداي.
- 95،6% (285 جاعدايدا) قاتەرلى ىسىك ەرتە ساتىسىندا انىقتالعانى قۋانتادى.
مامان ەرتە كەزەڭدە انىقتالعان اۋرۋدى ەمدەۋ جەڭىلىرەك، ال كەيبىر جاعدايدا اۋرۋدى تولىعىمەن جەڭۋگە بولاتىنىن تاعى ءبىر ەسكە سالادى!