زارداپ شەككەندەر جوق
ۇيعىر اۋدانىندا تولاسسىز جاۋعان جاڭبىر سالدارىنان رەسپۋبليكالىق ماڭىزى بار «اقساي-شونجى» تاسجولىنىڭ 12ء-شى شاقىرىمىندا سەل ءجۇردى، دەپ حابارلايدى Almaty-akshamy.kz قازاقپارات-قا سىلتەمە جاساپ. الماتى وبلىستىق توتەنشە جاعدايلار دەپارتامەنتىنىڭ مالىمەتىنشە، سەل 12 شىلدە كۇنى كەشكى ساعات 17:19 شاماسىندا جۇرگەن.
«جولدىڭ بۇل بولىگىندە ءوتۋ ءبىر جولاقتا جۇزەگە اسىرىلىپ جاتىر. لاي-تاس ماسساسىنىڭ جالپى كولەمى 10 تەكشە مەتر. سونداي-اق، تاسجولدىڭ 18 -19 شاقىرىمىن قاتتى جاۋعان جاۋىن سۋى شايىپ كەتتى. بۇل ايماقتاردا جول بەلگىلەرى ورناتىلدى»، - دەپ حابارلادى دەپارتامەنتتەن.
دەرەۋ جولدى قالپىنا كەلتىرۋ جۇمىستارى جۇرگىزىلىپ، 13 شىلدە كۇنى تاڭەرتەڭ بارلىق كولىك تۇرلەرىنىڭ قوزعالىسى قايتا جانداندى.