الماتىدا قارۋ-جاراق دۇكەنىن توناۋعا قاتىسى بار "ۇشتىك" ۇستالدى

الماتىدا قارۋ-جاراق دۇكەندەرىن توناۋعا قاتىسۋشىلاردى ۇستاۋ بويىنشا ەكى ارنايى ءىس-شارا جۇرگىزىلدى

ءۇش كۇدىكتى قاماۋعا الىندى. ۇرلانعان قارۋدىڭ ءبىر بولىگى “دوستىق” شاعىناۋدانىنداعى ۇيلەردىڭ بىرىندە، ال ەكىنشىسى الماتى وبلىسى، قاراساي اۋدانى اۋماعىنداعى جامبىل ەلدى مەكەنىندەگى ۇيلەردىڭ بىرىنەن تابىلدى جانە تاركىلەندى، دەپ حابارلايدى Almaty-akshamy.kz Polisia.kz-كە سىتلەمە جاساپ. 

«ەكى كۇدىكتىنىڭ ءبىرى 25 جاستا، ەكىنشىسى 27-دە. 5 قاڭتارعا قاراعان ءتۇنى ولار “كامەراد” اڭشىلىق دۇكەنىن توناپ كەتكەن. قاسكويلەر ۇرلانعان زاتتاردى ءۇيدىڭ جەرتولەسىنە تىعىپ، ءۇستىن قۇممەن باستىرىپ كەتكەن. ءارتۇرلى ماركاداعى ءتورت تەگىس ۇڭعىلى مىلتىق، اۆتومات، 720 پاترون، بەس اڭشىلىق پىشاق، اربالەت، وپتيكالىق كوزدەۋىش جانە ءوق-دارى تاركىلەندى جانە قىلمىستىق ءىس ماتەريالدارىنا تىركەلدى. كۇدىكتىلەر كىناسىن مويىنداپ، دۇكەنگە قالاي كىرگەندەرىن ايتىپ بەردى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.

تەرگەۋشىلەر “ۇشتىكتىڭ” وسىعان ۇقساس قىلمىستارعا قاتىسى بار-جوعىن انىقتاۋدا. قىلمىستىق ءىس ق ر قك-نىڭ 291-بابى 3-بولىگى (قارۋدى، وق-دارىلەردى، جارىلعىش زاتتاردى ۇرلاۋ) بويىنشا تەرگەلىپ جاتىر. بۇل باپتىڭ سانكسياسىندا 5 جىلدان 12 جىلعا دەيىنگى مەرزىمگە باس بوستاندىعىنان ايىرۋ كوزدەلگەن.