احمەتجان شاردينوۆ: ءبىز پرەزيدەنت قويعان مىندەتتەردى شەشۋ ءۇشىن بىرىگۋىمىز كەرەك

پرەزيدەنت جولداۋىندا كورسەتىلگەن ماسەلەلەردىڭ ومىرلىك ماڭىزى بار جانە ءبىزدىڭ قوعام بۇدان ۇلكەن ءۇمىت كۇتەدى

پرەزيدەنت قاسىم-جومارت توقايەۆ جىل سايىنعى قازاقستان حالقىنا جولداۋىندا پاندەميادان كەيىنگى كەزەڭدە ەلدىڭ ودان ءارى ەكونوميكالىق دامۋى ءۇشىن ناقتى مىندەتتەر قويدى. مۇنداي پىكىردى الماتى قالاسى قوعامدىق كەڭەسىنىڭ مۇشەسى احمەتجان شاردينوۆ ايتتى، - دەپ حابارلايدى Almaty-akshamy.kz.

ونىڭ پىكىرىنشە، پرەزيدەنت ەلگە ودان ءارى رەفورمالاردىڭ اۋقىمدى جانە ناقتى جوسپارىن ۇسىندى. 

«ماعان پرەزيدەنتتىڭ ەلدەگى جاعدايدى قانشالىقتى جاقسى بىلەتىنى قاتتى اسەر ەتتى. ول ءسوزىنىڭ باسىنان باستاپ پاندەميا كەزەڭىنىڭ ەل ەكونوميكاسى مەن ازاماتتاردىڭ الەۋمەتتىك جاعدايىنا كەرى اسەرىن تيگىزەتىنىنە توقتالدى. بۇل رەتتە مەملەكەت باسشىسى وڭدەۋ ونەركاسىبىنىڭ ءرولىن ءتۇسىنۋ كەرەكتىگىن ايتتى. جولداۋدا مەملەكەتتىك باسقارۋ، بانك جانە كۆازيمەملەكەتتىك سەكتور تاقىرىبىنا دا كوپ كوڭىل ءبولىندى. مەملەكەت باسشىسى اگروونەركاسىپ كەشەنىنە توقتالىپ، بۇل سالادا پروبلەمالار كوپ ەكەنىن ايتتى. ال ەڭ باستىسى - اۋىل شارۋاشىلىعى ونىمدەرىنىڭ باعاسىن دەلدالسىز ءبىر ورگان ۇيلەستىرىپ، باقىلايدى. بۇل سالاداعى ماسەلەلەردى شەشۋگە فەرمەرلەردى دە تارتۋ قاجەت»، - دەدى احمەتجان شاردينوۆ.

ەل پرەزيدەنتى حالىقتى الەۋمەتتىك قورعاۋعا ەرەكشە ءمان بەردى.

«حالىقتى الەۋمەتتىك قورعاۋ تۇرعىسىنان قاسىم-جومارت توقايەۆ ەڭ تومەنگى جالاقى 2018 جىلدان بەرى كوتەرىلمەگەنىن ەسكە سالدى. سوندىقتان ول 2022 جىلدىڭ 1 قاڭتارىنان باستاپ ەڭ تومەنگى جالاقىنى 60 مىڭ تەڭگەگە دەيىن كوتەرۋدى ۇيعاردى. مەنەدجمەنت، اگلومەراسيا، جاسىل ەكونوميكانى دامىتۋ، ەنەرگەتيكا جانە باسقا دا ماسەلەلەر ايتىلدى. سونىمەن قاتار، بار ماسەلەلەردى شەشۋ جولدارى بەرىلدى »، - دەپ اتاپ ءوتتى سپيكەر.

ونىڭ ايتۋىنشا، جولداۋ ەڭ الدىمەن حالىقتىڭ ءال-اۋقاتىن ارتتىرۋعا باعىتتالعان.

«مەنىڭ ويىمشا، پرەزيدەنتتىڭ بيىلعى جولداۋى ەڭ الدىمەن ازاماتتاردىڭ ءال -اۋقاتىن ارتتىرۋعا باعىتتالعان، سوندىقتان ولار وزدەرىن جايلى سەزىنەدى. سوندىقتان جوعارىدا اتالعان ماسەلەلەردى ءبارىمىز بىرگە شەشۋىمىز كەرەك»، - دەپ قوستى احمەتجان شاردينوۆ.

ەستەرىڭىزگە سالا كەتەيىك، كەشە مەملەكەت باسشىسى پارلامەنت پالاتالارىنىڭ بىرلەسكەن وتىرىسىندا جىل سايىنعى قازاقستان حالقىنا جولداۋىن جاريالادى.