الماتى پوليسياسى ەر ادامنان قارۋ-جاراق ارسەنالىن تاركىلەدى.
ارنايى ءىس-شارانى الماتى قالاسى بويىنشا ۇقكد وكىلدەرىنىڭ كومەگىمەن الماتىنىڭ ۇقكب قىزمەتكەرلەرى جۇرگىزدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«38 جاستاعى ج. ەسىمدى ازامات ۇستالدى. ونىڭ ۇيىنەن سەگىز مىلتىقتى كارابين، ءبىر مىلتىق، وپتيكالىق كوزدەۋىش جانە ەكى اڭشىلىق پىشاعى تابىلدى جانە تاركىلەندى. قارۋ قويماسى قوسالقى بولمەدە جاسىرىلعان. جەدەل مالىمەتتەرگە سايكەس، بۇل ارسەنال اعىمداعى جىلدىڭ قاڭتار ايىندا شاھارداعى قارۋ-جاراق دۇكەندەرىنىڭ بىرىنەن ۇرلانعان. اتالعان دەرەك ق ر قك-نىڭ 291-بابى 3-بولىگى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. باسقا ءمان-جايلار انىقتالىپ جاتىر»، – دەدى الماتى قالالىق پد ۇيىمداسقان قىلمىسقا قارسى كۇرەس باسقارماسىنىڭ باستىعى جانات نۇرعالييەۆ.
تاركىلەنگەن قارۋ سوت-بالليستيكالىق ساراپتاماعا جىبەرىلدى.