ەل ازاماتتارى شەتەل ۆاليۋتاسىنان گورى تەڭگەگە باسىمدىق بەرەدى

قازاقستاندىقتار دەپوزيت اشقاندا، تەڭگەنى كوبىرەك تاڭدايدى.

2015 جىلدان باستاپ ۇلتتىق ۆاليۋتاداعى دەپوزيتتەردىڭ ۇلەسى 24% تەن 65%-كە دەيىن وسكەن، دەپ حابارلايدى Almaty-akshamy.kz. Jjtv.kz-كە سىلتەمە جاساپ. 

فينپروم.كز پورتالىنىڭ دەرەگىنشە، بيىلعى قىركۇيەك ايىنىڭ اياعىندا حالىقتىڭ ەكىنشى دەڭگەيدەگى بانكتەردەگى قارجىلاي سالىمدارى 14،7 تريلليون تەڭگەنى قۇرادى. بۇل رەتتە تەڭگەنىڭ ۇلەسى باسىم. شامامەن ول 65%-تەن استى. قالعان دەپوزيتتەر شەتەل ۆاليۋتاسىنا تيەسىلى. وسىدان 7 جىل بۇرىن 76،4%-پەن ءدال وسى كورسەتكىشتە كەرىسىنشە، شەتەلدىك اقشانىڭ سالىمدارى ۇستەمدىك قۇرعان ەدى. ال، 2016-شى جىلى ونىڭ كولەمى ءتىپتى 80%-كە دەيىن جەتكەن بولاتىن. بۇدان بىلاي بۇل مەجەدەن اسپاي تەڭگەنىڭ ءداۋىرى باستالدى.

قازاقستاندىقتار قارجىسىن ۇلتتىق ۆاليۋتامەن جيناۋعا دەن قويا باستادى. ونى ءجون شەشىم دەپ تاپقانداردىڭ قاتارى جىلدان-جىلعا ارتىپ كەلەدى. "وعان ەلىمىزدە ەكونوميكانى دوللارسىزداندىرۋ، مونەتارلىق ساياساتتىڭ تيىمدىلىگىن جانە ۇلتتىق ۆاليۋتاداعى اكتيۆتەردىڭ تارتىمدىلىعىن ارتتىرۋ مەن تەڭگەلىك سالىمداردى قورعاۋ باعدارلاماسى سىندى قابىلدانعان شارالار ىقپال ەتتى"، - دەيدى ساراپشىلار.