تەرگەۋ امالدارى مەن جەدەل ءىس-شارالار جۇرگىزىلۋدە
الماتىدا قارۋ-جاراق ارسەنالى ساقتالعان تاعى ءبىر ورىن تابىلدى، دەپ حابارلايدى Almaty-akshamy.kz. الماتى قالاسىنىڭ كريمينالدىق پوليسيا قىزمەتكەرلەرى ق ر ۇقك الماتى دەپارتامەنتىنىڭ كومەگىمەن مەدەۋ اۋدانىنداعى باعباندىق سەرىكتەستىكتەردىڭ ءبىرىنىڭ اۋماعىنان قارۋ جاسىرىلعان ورىندى تاپتى.
«ول جەردە قاڭتارداعى تارتىپسىزدىكتەر كەزىندە المالى اۋدانىنداعى قارۋ-جاراق دۇكەنىنەن ۇرلانعان سايگا-410ك تەگىس ۇڭعىلى كارابين، پم تراۆماتيكالىق تاپانشاسى، 2 يج تەگىس ۇڭعىلى مىلتىعى، ماكاروۆ جۇيەسى تاپانشاسىنىڭ پاتروندارى، 9 مم كاليبرلى، 12 كاليبرلى پاتروندار، سونداي-اق 7،62 كاليبرلى پاتروندار جاسىرىلعان. تاركىلەنگەن قارۋ ساراپتاماعا جىبەرىلدى»، - دەپ حابارلادى الماتى قالالىق پوليسيا دەپارتامەنتىنەن.
اتالعان دەرەك مەدەۋ اۋداندىق پوليسيا باسقارماسىندا ق ر قك-نىڭ 287-بابى 3-بولىگى بويىنشا تىركەلدى.
«ارسەنالدىڭ قايدان شىققانى تەرگەۋ امالدارى مەن جەدەل ءىس-شارالار جۇرگىزىلگەننەن كەيىن بەلگىلى بولادى»، - دەپ اتاپ ءوتتى ۆەدومستۆودان.