ءتارتىپ ساقشىلارى قالتا ۇرىسىن ۇستادى
بىرەۋدىڭ قالتاسىنداعىنى قاعىپ، وڭاي ولجاعا داندەگەن ۇرى شىعىس قازاقستان وبلىسىنىڭ 29 جاستاعى تۇرعىنى بولىپ شىقتى، دەپ حابارلايدى Almaty-akshamy.kz
«تەرگەۋدىڭ وسى كەزەڭىندە ۇستالعان ازاماتتىڭ قوعامدىق كولىكتە ورىن العان ءۇش قالتا ۇرلىعىنا قاتىستىلىعى انىقتالدى. پوليسياعا بىرنەشە رەت ارىزدانعاننان كەيىن ءبىز قاجەتتى شارالاردى قولدانىپ، قىلمىس بولعان جەرلەردى مۇقيات تەكسەرىپ، كۋاگەرلەردەن سۇحبات الىپ، بەينەباقىلاۋ كامەرالارىنىڭ دەرەكتەرىن زەرتتەدىك. ناتيجەسىندە ۇرلىقتى ءبىر ادام جاساعانى بەلگىلى بولدى. كۇدىكتى “IPhone 11” ماركالى ۇيالى تەلەفونىن ۇرلاعاننان كەيىن بىردەن 14ء-شى باعىتتاعى قوعامدىق كولىكتە ۇستالدى. ەر ادام نەگىزىنەن “قاربالاس ۋاقىتتا” ۇرلىق جاساپ جۇرگەن»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋات ناۋاتوۆ.
ءقازىر ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى. سونىمەن قاتار، پوليسەيلەر كۇدىكتىنىڭ وسىعان ۇقساس باسقا دا قىلمىستارعا قاتىسى بار-جوعىن انىقتاپ جاتىر