عالىمدارعا جاساندى توپقا جاتقىزىلاتىن ءقاۋىپتى ۆيرۋستاردىڭ ءتۇرى بەلگىسىز بولىپ شىقتى. سەبەبى ولاردىڭ بار ەكەندىگىنە بىردە-بىر دالەلدى جايت جوق دەپ جازادى يتار-تاسس.
سوندىقتان ادامزاتقا ولاردان كەلەر ءقاۋىپ جوق دەپ وتىر ماماندار. جاساندى ۆيرۋستاردى بيولوگيالىق قارۋ رەتىندە شىعارۋ ءتيىمسىز، سەبەبى ولار سۇرىپتاپ جاتپاستان ءبارىن بىردەن زاقىمدايدى. ال ادامدارعا شىن مانىندە تابيعاتتا پايدا بولعان ۆيرۋستار ءقاۋىپتى.
تابيعاتتا ءقاۋىپتى ۆيرۋستار بار ما؟ بار، وعان ءبىز پاندەميا كەزىندە كوز جەتكىزىپ وتىرمىز. بۇل جاڭا كوروناۆيرۋس نەمەسە وزگە دە ۆيرۋستار بولۋى مۇمكىن، - دەپ اتاپ ءوتتى ۆيرۋسولوگتار.
COVID-19-دان بايقاعانىمىزداي، جاڭا ۆيرۋستاردىڭ پايدا بولۋى كۇتپەگەن جەردەن ورىن الادى.
الايدا ونىڭ باستاپقى بەلگىلەرى بولدى. بۇل ءاتيپتى پنيەۆمونيا مەن MERS ۆيرۋسى – بۇل تاياۋ شىعىسقا ءتان رەسپيراتورلىق سيندروم ۆيرۋسى. اتالعان ۆيرۋستارعا تيىسىنشە ءمان بەرمەگەندىكتەن، بۇگىندە ىندەت اكەلگەن ۇلكەن شىعىندارمەن بەتپە-بەت كەلىپ وتىرمىز، - دەيدى ماماندار.
ولاردىڭ ايتۋىنشا، ۆيرۋستىڭ ەكى ءتۇرى بار: جوعارى ىقتيمالدىلىقپەن ولىم-جىتىمگە الىپ كەلەدى، ءبىراق وڭايلىقپەن تارالمايدى. ال ەندى ءبىرى كەرىسىنشە، قايعىلى جاعدايعا ۇشىراتپاعانىمەن، وتە جۇقپالى. وسى ورايدا جۇقپالى ۆيرۋستاردان تونەتىن قاتەر كوپ.
ۆيرۋستاردىڭ مىندەتى سول – كوپ ءولتىرۋ ەمەس، پوپۋلياسيادا كوبىرەك قالىپ، ادامدارعا بارىنشا جۇعۋ، - دەپ ءتۇسىندىردى عالىمدار.