29-30 قازاندا ساعات 8.00-دەن 17.00-گە دەيىن قاراعاندى وبلىسى اۋىل شارۋاشىلىعى وندىرۋشىلەرىنىڭ جارمەڭكەسى وتەدى.
جارمەڭكەگە قاراعاندى وبلىسىنىڭ 7 اۋدان جانە ءوڭىردىڭ 3 قالاسىنىڭ (قاراعاندى، ساران، شاحتينسك) فەرمەرلەرى قاتىسادى، دەپ حابارلايدى Almaty-akshamy.kz.
ءونىم اسسورتيمەنتىندە 40-تان استام اتاۋلار بار (ەت-سۇت، جەمىس-كوكونىس، شۇجىق ونىمدەرى، ۇن، جارما، وسىمدىك، جانۋار مايلارى جانە ت. ب.).
ءونىمنىڭ جالپى كولەمى – 222 توننا، ونىڭ ىشىندە:
- ەت ءونىمى – 50 توننا؛
- جەمىس-كوكونىس ءونىمى – 155 توننا؛
- ءسۇت ءونىمى – 4 توننا؛
- بالىق ونىمدەرى – 3 توننا؛
- وزگە ونىمدەر – 10 توننا.
جارمەڭكە وتەتىن ورىن - شيەۆچەنكو كوشەسىنىڭ بويىندا، قونايەۆ كوشەسى مەن پۋشكين كوشەلەرىنىڭ ارالىعىندا («عىلىم ورداسى» ارحەولوگيا مۇراجايىنا قاراما-قارسى).