تۇرعىن ءۇي ساياساتى باسقارماسى 2021-2022 جىلداردىڭ قىسقى كەزەڭىندە قار تازالاۋ بويىنشا وندىرىستىك بازالار مەن مامانداندىرىلعان تەحنيكانىڭ دايىندىعىنا تەكسەرۋ جۇرگىزدى، دەپ حابارلايدى almaty-akshamy.kz
جولداردى تازالاۋ ءۇشىن 1 038 بىرلىك ارنايى تەحنيكا ىسكە قوسىلادى. جول جۇمىسشىلارىنىڭ سانى 1 400 ادامدى قۇرايدى. قىسقى كەزەڭگە قوسىمشا 1 200-گە جۋىق جول جۇمىسشىسىن تارتۋ جوسپارلانۋدا. وسىلايشا جۇمىسشىلاردىڭ جالپى سانى 2 600 ادامدى قۇرايدى.
ۆەدومستۆودا حابارلاعانداي، تەحنيكانى قىسقى جۇمىس رەجيمىنە قايتا جابدىقتاۋ اۋا رايى جاعدايىنا بايلانىستى كەزەڭ-كەزەڭىمەن جۇرگىزىلەدى.
قالىڭ قار جاۋعان جاعدايدا 18 قۇرىلىس ۇيىمدارىمەن 150 بىرلىك قوسىمشا تەحنيكا – ساموسۆالدار، تيەگىشتەردى جالعا الۋ تۋرالى شارتتار جاسالدى.
30 مىڭ توننا تۇز جانە 60 مىڭ توننا قۇم الىندى. كوكتايعاققا قارسى ماتەريالداردىڭ نورماتيۆتىك سانىنا (بارلىعى 33 مىڭ توننا تۇز جانە 80 مىڭ توننا قۇم) جەتكىزۋ 15 قازانعا دەيىن جۇرگىزىلەتىن بولادى.
قالىڭ قار جاۋعان جاعدايدا قوسىمشا 10 مىڭ توننا تۇز جانە 15 مىڭ توننا قۇم جەتكىزۋگە شارت جاسالدى.
بارلىق اۋدانداردا قار جينالاتىن ورىندار انىقتالدى.