ەلدىڭ باسىم بولىگىندە كۇن سۋىتتى
بۇگىندىككە الەۋمەتتىك جەلى قولدانۋشى ەلوردا تۇرعىندارى قالانىڭ اق ۇلپاعا ورانعانىن جارىسا ايتۋدا. جول قوزعالىسى قيىنداپ، كولىكتەر تايعاناقتاپ، قيىندىقتار تۋىنداپ جاتىر، دەپ حابارلايدى Almaty-akshamy.kz 24.kz-كە cىلتەمە جاساپ.
ءقازىر نۇر-سۇلتان قالاسىندا اۋانىڭ تەمپەراتۋراسى -1 گرادۋس شاماسىندا. قالادا كەپتەلىستەر پايدا بولىپ، جول-كولىك وقيعالارى دا كوپتەپ تىركەلۋدە. نۇر-سۇلتان قالالىق جول پوليسياسىنىڭ حابارلاۋىنشا، كەشە، ياعني وتكەن تاۋلىكتە، 96 جول-كولىك وقيعاسى تىركەلگەن. بۇل ادەتتەگىدەن 1،5-2 ەسەگە كوپ.
قازاقپارات اقپارتتىق اگەنتتىگىنىڭ مالىمەتىنشە، سينوپتيكتەر ەرتەڭ الماتىدا دا اۋا رايى بۇزىلىپ، قار ارالاس جاڭبىر جاۋىپ، كۇن سۋىتادى دەپ بولجاۋدا.
بۇگىن قازاقستان اۋماعىنىڭ باسىم بولىگى جاۋىن-شاشىننىڭ الدىن الۋعا جانە اۋا تەمپەراتۋراسىنىڭ ودان ءارى تومەندەۋىنە اكەلەتىن سولتۇستىك-باتىس انتيسيكلوننىڭ ىقپالىندا بولادى.