ب ا ق قىزمەتكەرلەرى تاۋەلسىزدىكتىڭ 30 جىلدىعىنا وراي الماتىنىڭ ءبىرقاتار نىساندارىن ارالادى
تاۋەلسىزدىكتىڭ 30 جىلدىعىنا وراي «ەگەمەن قازاقستان» جانە «كازاحستانسكايا پراۆدا» گازەتتەرىنىڭ باستاماسىمەن ۇيىمداستىرىلعان «اتامەكەن» اقپاراتتىق-تانىمدىق ەكسپەديسياسى الماتىدا جالعاسىن تاپتى، دەپ حابارلايدى Almaty-akshamy.kz
اتالعان قوس باسىلىمنىڭ قىزمەتكەرلەرى، باق-باسشىلارى مەن جەرگىلىكتى جۋرناليستەر قاۋىمىنان جاساقتالعان ەكسپەديسيا مۇشەلەرى ەڭ الدىمەن رەسپۋبليكا الاڭىنداعى تاۋەلسىزدىك مونۋمەنتىنە گۇل شوقتارىن قويىپ، ءتاۋ ەتتى.
ءىس-شارا اياسىندا ەكسپەديسيا وكىلدەرى كوك-توبە تەلەمۇناراسى، شىڭ باسىنداعى شىمبۇلاق تاۋ شاڭعى كۋرورتى، مەدەۋ مۇز ايدىنى سەكىلدى الماتىنىڭ سيمۆولىنا بالاناتىن ايشىقتى ورىنداردى، سونداي-اق بورالداي ساق قورعاندارى تاريحي ورنىنا بارۋدى، الماتى مۋزەيىندەگى تاۋەلسىزدىك دەكلوراسياسىنا قول قويىلعان قۇندى قۇجاتپەن تانىسۋدى جوسپارلاپ وتىر.
تاريحتى تارازىلاپ، مادەني ورىنداردىڭ وتكەنى مەن بۇگىنگى كەلبەتىن قالىپتاۋعا باعىتتالعان جوبا ق ر ۇلتتىق كىتاپحاناسىندا قورىتىندىلانادى.