شاھاردا قار تازالاۋ جۇمىستارى جۇرۋدە
الماتى قالاسىندا 17 قاراشادا ساعات 14.40-تان باستاپ قار جاۋا باستادى. قار جاۋا سالىسىمەن 191 قۇمشاشقىشتىڭ كۇشىمەن جولدارعا كوكتايعاققا قارسى ماتەريالدار سەبىلۋدە، دەپ حابارلايدى Almaty-akshamy.kz
قار تازالاۋعا بارلىعى 554 ارنايى تەحنيكا بىرلىگى مەن 1482 جول جۇمىسشىسى جۇمىلدىرىلدى.
تروتۋارلاردى، جاياۋ جۇرگىنشىلەر ايماقتارىن، قوعامدىق كولىك ايالدامالارىن، كولىك قوياتىن «قالتالاردى»، كوپشىلىك پايدالاناتىن ورىنداردى قاردان تازارتۋ بويىنشا جۇمىستار ۇيىمداستىرىلدى.
تۇنگى كەزەڭدە 17-18 قاراشا ارالىعىندا 491 ارنايى تەحنيكا بىرلىگى، ونىڭ ىشىندە 183 قۇمشاشقىش جانە 323 جول جۇمىسشىسى قار تازالاۋمەن اينالىسادى دەپ جوسپارلانۋدا.
اۋداندىق اكىمدىكتەر مەن مەردىگەرلىك كاسىپورىنداردا قار تازالاۋ جۇمىستارىنىڭ ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
قازگيدرومەتتىڭ بولجامى بويىنشا 18 قاراشانىڭ تاڭىنا دەيىن قار جاۋادى دەپ كۇتىلۋدە.