ۇلت ۇستازى تۋرالى كينوكارتينا جارىققا شىقپاق
الماتىدا كورنەكتى قوعام قايراتكەرى، ۇلت ۇستازى احمەت بايتۇرسىن ۇلى تۋرالى، كينو ءتۇسىرىلىپ جاتىر، دەپ حابارلايدى Almaty-akshamy.kz
كوركەم فيلم «سوڭعى ۇكىم» دەپ اتالادى. كەلەسى جىلى ەلدە بايتۇرسىن ۇلىنىڭ 150 جىلدىق مەرەيتويى، اتاپ وتىلەدى. كارتينا، سوعان وراي، ەكرانعا شىعادى.
ءفيلمنىڭ العاشقى ەپيزودتارى بۇرىنعى تەرگەۋ يزولياتورىندا ءتۇسىرىلدى. كارتينانىڭ اۆتورلارى احمەت بايتۇرسىن ۇلىنىڭ ءومىرىن تولىقتاي قامتۋدى كوزدەپ وتىر.
ۇلت ۇستازى 1929 جىلى الاش قوزعالىسى قايراتكەرلەرىمەن بىرگە الماتىدا تۇتقىنعا الىنادى. كەيىن ونى ماسكەۋدەگى بۋتىركا اباقتىسىنا جونەلتەدى. قازاق ءتىل ءبىلىمى مەن ادەبيەتتانۋ عىلىمدارىنىڭ نەگىزىن سالۋشى عالىمنىڭ ءرولىن قازاقستاننىڭ ەڭبەك سىڭىرگەن قايراتكەرى ازامات ساتىبالدى سومدايدى.