قار تازالاۋ جۇمىستارىنا 17 مەردىگەر ۇيىم، مىڭعا جۋىق ارنايى تەحنيكا جانە 2 710 جۇمىسشى جۇمىلدىرىلماق، دەپ حابارلايدى aqshamnews.kz
الماتى كوممۋنالدىق ينفراقۇرىلىم جانە تۇرعىن ءۇي ينسپەكسياسى باسقارماسىنىڭ وكىلدەرى حابارلاۋىنشا، قىستىڭ باستالۋىمەن كوممۋنالدىق تەحنيكا ماۋسىمدىق رەجيمگە بەيىمدەلىپ، قايتا جاراقتاندىرىلادى.
ارنايى ماشينالارعا قۇم-تۇز قوسپاسىن سەبەتىن قوندىرعىلار، قار تازالايتىن سوقالى-ششەتكالى جابدىق جانە جول مەن تروتۋاردى قار مەن كوكتايعاقتان تازارتۋعا قاجەتتى وزگە دە قۇرال-جابدىقتار ورناتىلادى.
اكىمدىكتىڭ كوممۋنالدىق قىزمەتى كۇشەيتىلگەن دايىندىق تارتىبىنە كوشىپ، كولىك قوزعالىسىنىڭ قاۋىپسىزدىگىن قامتاماسىز ەتۋ، جولدا كولىكتىڭ كەدەرگىسىز ءجۇرۋىن قامتاماسىز ەتۋ جانە قالا تۇرعىندارىنىڭ قىستا ەمىن-ەركىن جۇرۋىنە جاعداي جاساۋ باعىتىنداعى جۇمىستارىن جانداندىرادى.
دايىندىق بارىسىندا مەردىگەرلەر تەحنيكاعا تەحنيكالىق تەكسەرىس پەن جوندەۋ جۇرگىزدى، 25 وندىرىستىك بازا مەن 23 قۇم قويماسىن ازىرلەدى، قىزمەتكەرلەرگە ارنالعان عيماراتتاردى جاڭعىرتىپ، قاجەتتى ماتەريالدار مەن قۇرال-جابدىقتاردى ساتىپ الدى. قار ۇيىندىلەرىن ۋاقىتشا جيناۋعا ورىندار دا بەلگىلەندى.