الماتى قالاسىنىڭ ەكولوگيا ينسپەكتورلارى پوليسيا دەپارتامەنتىنىڭ قىزمەتكەرلەرىمەن بىرلەسىپ، اتموسفەرالىق اۋانى قورعاۋ جونىندەگى ءىس-شارالار جوسپارى اياسىندا قوقىس شىعاراتىن ارنايى تەحنيكانىڭ شىعارىندىلار نورماتيۆىنە سايكەستىگىن تەكسەردى. بۇل تۋرالى قالانىڭ ەكولوگيا جانە قورشاعان ورتا باسقارماسىنىڭ وكىلدەرى ايتتى.
Eco Almaty ءموبيلدى زەرتحانالارى 2019-2025 جىلدارى شىعارىلعان 65-تەن استام ارنايى تەحنيكانىڭ شىعارىندىلارىن قوسىمشا ولشەگەن، نورمادان اسۋ انىقتالعان جوق.
قالادا قوقىس شىعارۋمەن اينالىساتىن 20 ۇيىم جۇمىس ىستەيدى، ولاردا 283 بىرلىك ارنايى تەحنيكا بار. جينالعان قالدىقتىڭ بارلىعى «Green Recycle» ج ش س قوقىس سۇرىپتاۋ كەشەنىنە، سونداي-اق الماتى اگلومەراسياسىنداعى پوليگوندارعا جىبەرىلەدى: قاراساي اۋدانىنداعى «Kaz Waste Conversion» ج ش س، ىلە اۋدانىنداعى «تازا جەر ەكو» ج ش س جانە «ADC Taza Alem» ج ش س، تالعار اۋدانىنداعى «ەكو سەرۆيس گرۋپپ» ج ش س.
الماتى اۋماعىندا تۇرمىستىق قالدىقتاردى كومەتىن جەكە پوليگوندار جوق — بارلىق تۇرمىستىق قاتتى قالدىقتار اگلومەراسياسىنداعى نىساندارعا جەتكىزىلىپ، الدىن الا سۇرىپتالادى.
قالا تازالىعىنا بەي-جاي قارامايتىن تۇرعىندار eOtinish سەرۆيسى نەمەسە Open Almaty 1308 بايلانىس ورتالىعى مەن +7 (727) 338 33 88 ءنومىرى ارقىلى الماتىنىڭ ەكولوگيا دەپارتامەنتىنە زاڭبۇزۋشىلىقتار جونىندە حابارلاي الادى.