الماتىدا قار كوشكىنىنەن زارداپ شەككەن فرانسۋز ەلىنە ەۆاكۋاسيالاندى

قار كوشكىنىنەن امان قالعان فرانسۋز دارىگەرلەرگە العىسىن ءبىلدىردى 

فرانسيانىڭ باس كونسۋلى الەكسيس شاحتاحتينسكيي 13 ساۋىردە الماتى ماڭىنداعى تاۋلاردا قار كوشكىنى استىندا قالعان كريستوف پەتوعا مەديسينالىق كومەك كورسەتكەن ورتالىق قالالىق كلينيكالىق اۋرۋحانا ۇجىمىنا العىسىن ءبىلدىردى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«اۋرۋحانانىڭ باس دارىگەرى ۇلىقبەك مەدەۋبەكوۆ باستاعان بارشا ۇجىمعا كاسىبي مىندەتتەرىن ادال اتقارىپ، وتانداسىم كريستوف پەتوعا قاجەتتى مەديسينالىق كومەك كورسەتكەندەرى ءۇشىن العىس ايتامىن. سىزگە جانە اۋرۋحانانىڭ ءاربىر مەديسينا قىزمەتكەرىنە شىن جۇرەكتەن دەنساۋلىق تىلەيمىن» ، - دەپ حات جولداپتى باس كونسۋل.

بەلگىلى بولعانىنداي، قار كوشكىنى كەزىندە زارداپ شەككەن كريستوف پەتونىڭ ءوزى دە دارىگەر. كوپتەگەن جاراقاتتارىنا قاراماستان، ول وتانىنا ەۆاكۋاسيالاندى.

«مەنىڭ باسىمنان وتە قيىن ءارى قايعىلى وقيعا ءوتتى. كوشكىن استىندا قالدىم. امان قالدىم. مەن قازاقستاندىق مەديسينا قىزمەتكەرلەرىنە، سونىڭ ىشىندە ورتالىق قالالىق كلينيكالىق اۋرۋحانا ۇجىمىنا وتە ريزامىن. اۋرۋحانانىڭ بارلىق ماماندارىنا كاسىبيلىگى، بىلىكتىلىگى ءۇشىن العىسىمدى بىلدىرگىم كەلەدى» ، - دەيدى كريستوف پەتو.

ەسكە سالايىق، 13 ءساۋىر كۇنى الماتى تاۋلارىندا كوشكىن ءجۇرىپ، ەكى ادام قاردىڭ استىندا قالعان بولاتىن. قۇتقارۋشىلار قاردىڭ استىندا قالعان ادامداردىڭ بىرەۋىن شىعارىپ الدى. سول كۇنى كەشكە قاراي قار كوشكىنىنىڭ استىندا قالعان ەكىنشى ادامنىڭ دەنەسى تابىلدى