ەلىمىزدىڭ سەگىز وڭىرىندە اۋا رايىنا بايلانىستى ەسكەرتۋ جاريالاندى

ەلىمىزدىڭ كەيبىر وبلىستارىندا 22 ساۋىردە جاۋىن جاۋىپ، قاتتى جەل سوعادى.

22 ساۋىردە قىزىلوردا وبلىسىنىڭ سولتۇستىگىندە نايزاعاي وينايدى. وڭتۇستىك-باتىستان جەل سوعادى، كۇندىز وبلىس ورتالىعىندا 15-20 م/س كۇشەيەدى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

22 ساۋىردە قاراعاندى وبلىسىنىڭ سولتۇستىگىندە، باتىسىندا سولتۇستىك-باتىستان جەل سوعىپ، باعىتى سولتۇستىك-شىعىسقا اۋىسادى. ەكپىنى 15-20 م/س-كە جەتەدى.

22 ساۋىردە تۇندە جانە تاڭەرتەڭ باتىس قازاقستان وبلىسىنىڭ وڭتۇستىك-باتىسىندا تۇمان تۇسەدى. كۇندىز وبلىستىڭ سولتۇستىك-باتىسىندا، باتىسىندا نايزاعاي وينايدى. سولتۇستىك-شىعىستان، كۇندىز شىعىستان جەل سوعىپ، ەكپىنى 15-20 م/س-كە جەتۋى ىقتيمال.

22 ساۋىردە اتىراۋ وبلىسىنىڭ سولتۇستىك-شىعىسىندا كۇندىز نايزاعاي وينايدى، سولتۇستىك-باتىستان، سولتۇستىكتەن، باتىستان جانە وبلىستىڭ ورتالىعىنان جىلدامدىعى 15-20 م/س جەل سوعادى.

اتىراۋدا 22 ساۋىردە - سولتۇستىك-باتىستان جەل سوعادى، كۇندىز ەكپىنى 15-18 م/س جەتەدى. 22 ءساۋىر كۇندىز اقتوبە وبلىسىنىڭ وڭتۇستىگىندە نايزاعاي وينايدى.

شىعىستان، سولتۇستىك-شىعىستان، وبلىستىڭ سولتۇستىگىندە ەكپىنى 18 م/س بولادى. سول كۇنى اقمولا وبلىسىندا تۇندە كوكشەتاۋ قالاسىندا كوكتايعاق بولىپ، سولتۇستىك-باتىستان جەل سوعادى، ەكپىنى 15 م/س جەتەدى.

22 ساۋىردە تۇركىستان وبلىسىنىڭ تاۋلى اۋداندارىندا نايزاعاي ويناپ، داۋىل بولۋى مۇمكىن. شىعىستان جەل سوعىپ، ەكپىنى 15-20 م/س جەتەدى.

22 ساۋىردە شىعىس قازاقستان وبلىسىنىڭ سولتۇستىك-شىعىسىندا نوسەر جاۋىن جاۋادى. سولتۇستىك-باتىستان جەل سوعىپ، وبلىستىڭ وڭتۇستىگىندە، شىعىسىندا جەلدىڭ ەكپىنى 15-20 م/س بولۋى ىقتيمال.