192 ادام الماتى قالاسىنىڭ قوعامدىق كەڭەسىنىڭ قۇرامىنا ەنۋ ءۇشىن سايلاۋعا قاتىسادى.
الماتىدا قوعامدىق كەڭەسكە كانديداتتاردى ىرىكتەۋ جونىندەگى جۇمىس توبىنىڭ وتىرىسى ءوتتى. ونىڭ قورىتىندىسى بويىنشا، 192 ادام الماتى قالاسىنىڭ قوعامدىق كەڭەسىنىڭ قۇرامىنا ەنۋ ءۇشىن سايلاۋعا قاتىسادى، دەپ حابارلايدى Almaty-akshamy.kz
ايتا كەتۋ كەرەك، ۇمىتكەرلەردىڭ 40%-ى ايەلدەر. بايقاۋعا قاتىسۋشىلار اراسىندا ۇەۇ وكىلدەرىنىڭ ۇلەسى باسىم - 40%-دان استام. ۇمىتكەرلەردىڭ 20%-دان استامى - جاستار. سونىمەن قاتار، ءبىلىم بەرۋ سالاسىنىڭ وكىلدەرى ءوتىنىش بەرۋشىلەردىڭ جالپى سانىنىڭ 10%–ىن، دەنساۋلىق ساقتاۋ – 5%–ىن جانە مادەنيەت - 6%-ىن قۇرادى.
سونداي-اق، قۇجاتتاردى ب ا ق وكىلدەرى دە تاپسىردى، ولاردىڭ سانى 5%-دان استى.
ۇمىتكەرلەر كەلەسى كەزەڭدە 25-29 ءساۋىر ارالىعىندا وتەتىن سۇحباتتاسۋ ءۇشىن توپتارعا بولىنەدى. اڭگىمەلەسۋ كەزەڭىندە كانديداتتاردىڭ ءوزىن تانىستىرۋى ءۇشىن ءسوز سويلەۋلەرى قاراستىرىلعان، وسىمەن بىرگە قۇزىرەت، تيىمدىلىك جانە موتيۆاسيا بويىنشا سۇراقتارعا جاۋاپ بەرەتىن بولادى.
ءار قاتىسۋشىعا پىكىرسايىس فورماتىندا ءوزى تۋرالى، ءوز جەتىستىكتەرى جايلى جانە الماتى قالاسى قوعامدىق كەڭەسىنىڭ قۇرامىنا سايلانۋ ءۇشىن ءوز كانديداتۋراسىن ۇسىنۋ ماقساتتارى تۋرالى ايتۋعا مۇمكىندىك بەرىلەدى.
اڭگىمەلەسۋدى وتكىزۋ كەستەسى مەن كانديداتتار ءتىزىمى الماتى قالاسى ءماسليحاتىنىڭ سايتىندا قولجەتىمدى. سايلاۋ پروسەسىنىڭ اشىقتىعىن، ترانسپارەنتتىلىگىن جانە ادىلدىگىن قامتاماسىز ەتۋ ءۇشىن بارلىق سۇحباتتار تىكەلەي ەفيردە كورسەتىلەدى.
ەستەرىڭىزگە سالا كەتەيىك، جۇمىس توبىنىڭ بارلىق وتىرىستارىنا تاۋەلسىز بايقاۋشىلار قاتىسادى.
سايلاۋدى وتكىزۋ قورىتىندىسى بويىنشا، بۇرىن حابارلانعانداي، الماتى قالاسى قوعامدىق كەڭەسىنىڭ 39 مۇشەسى سايلانادى، ونىڭ 36-سى - قوعامنىڭ جانە 3ء-ى - مەملەكەتتىك ورگانداردىڭ وكىلدەرى.
سىلتەمەلەر: http://www.mga.kz/live/، https://aitube.page.link/TDRj، https://www.youtube.com/c/AlmatyUS/featured.