سوت ۇكىمىمەن م. تاعىلعان ايىپ بويىنشا كىنالى دەپ تانىلدى جانە وعان 3 جىلعا باس بوستاندىعىنان ايىرۋ جازاسى تاعايىندالدى، راقىمشىلىق جاساۋ تۋرالى زاڭدى قولدانا وتىرىپ، كەسىمدى تۇردە 9 اي مەرزىمگە باس بوستاندىعىنان ايىرۋ جازاسى بەلگىلەندى.
وعان زورلىق-زومبىلىق، ويران سالۋ، قيراتۋ، مۇلىكتىڭ جويىلۋىمەن قاتار جاپپاي تارتىپسىزدىكتەرگە قاتىسۋ، بيلىكتىڭ زاڭدى تالاپتارىنا بەلسەندى تۇردە باعىنباۋعا جانە جاپپاي تارتىپسىزدىكتەرگە نەمەسە جاپپاي تارتىپسىزدىكتەرگە ارانداتۋعا شاقىرۋ باپتارى بويىنشا ايىپ تاعىلعان.
«سوت 2022 جىلعى 5 قاڭتاردا م. تج رەجيمىنە قاراماستان الماتى قالاسىنىڭ اۋماعىندا زورلىق-زومبىلىق، بۇلىك سالۋ، ورتەۋ، مۇلىكتى قيراتۋ، جويۋ، بيلىك وكىلدەرىنە قارۋلى قارسىلىق كورسەتۋ، قوعامدىق ءتارتىپ پەن قاۋىپسىزدىكتى بۇزۋ، باسقا ازاماتتار مەن ۇيىمداردىڭ قۇقىعى مەن بوستاندىعىنا نۇقسان كەلتىرۋمەن قاتار جاپپاي تارتىپسىزدىكتەرگە قاتىسقانىن انىقتادى»، – دەلىنگەن حابارلامادا.
اۋداندىق سوتتىڭ باسپا ءسوز قىزمەتىنىڭ مالىمەتىنشە، م. باسقا دا قاتىسۋشىلارمەن بىرگە پوليسيا مەن اسكەري قىزمەتكەرلەردىڭ شەبىن بۇزعان. سودان سوڭ ول كوپشىلىكتىڭ الدىندا ءسوز سويلەپ، حالىقتى بيلىك وكىلدەرىنىڭ زاڭدى تالابىنا باعىنباۋعا شاقىرعان، جەڭىل كولىكتەردى قيراتىپ، پوليسيا قىزمەتكەرلەرىنە تاس لاقتىرعان.
«سوت ۇكىمىمەن م. تاعىلعان ايىپ بويىنشا كىنالى دەپ تانىلدى جانە وعان 3 جىلعا باس بوستاندىعىنان ايىرۋ جازاسى تاعايىندالدى، راقىمشىلىق جاساۋ تۋرالى زاڭدى قولدانا وتىرىپ، كەسىمدى تۇردە 9 اي مەرزىمگە باس بوستاندىعىنان ايىرۋ جازاسى بەلگىلەندى»،– دەدى بوستاندىق اۋدانى №2 اۋداندىق سوتىنىڭ باسپا ءسوز قىزمەتى.