بۇگىن دە ەل اۋماعىندا اپتاپ ىستىق بولادى

 قازگيدرومەت سينوپتيكتەرى 28 شىلدە، جۇماعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.

اتموسفەرالىق فرونتتاردىڭ اسەرىنەن ەلىمىزدىڭ باسىم بولىگىندە تۇراقسىز اۋا رايى ساقتالادى، جاڭبىر جاۋىپ، نايزاعاي مەن بۇرشاق، داۋىل بولادى.

تەك وڭتۇستىكتە جانە باتىستا جاۋىن-شاشىن جوق، كۇن اشىق.

رەسپۋبليكا بويىنشا جەل كۇشەيەدى، تۇندە سولتۇستىكتە، سولتۇستىك-باتىستا تۇمان تۇسەدى.

كۇندىز الماتى، جامبىل، تۇركىستان، باتىس قازاقستان، اتىراۋ، ماڭعىستاۋ، اقتوبە، جەتىسۋ، ۇلىتاۋ وبلىستارىندا، قوستاناي وبلىسىنىڭ وڭتۇستىگىندە 35-38°س قاتتى ىستىق بولادى.

كۇندىز ماڭعىستاۋ، اتىراۋ، اقتوبە، باتىس قازاقستان وبلىستارىندا 42-43°س وتە قاتتى ىستىق بار.

باتىس قازاقستان، ماڭعىستاۋ، سولتۇستىك قازاقستان، اقمولا وبلىستارىندا، اتىراۋ وبلىسىنىڭ سولتۇستىگىندە ءورت ءقاۋپى جوعارى.

الماتى، تۇركىستان، جامبىل، شىعىس قازاقستان، قاراعاڭدى، اقتوبە، ۇلىتاۋ، جەتىسۋ، اباي وبلىستارىندا، قىزىلوردا وبلىسىنىڭ ورتالىعىندا، شىعىسىندا، پاۆلودار وبلىسىنىڭ وڭتۇستىگىندە، باتىسىندا، قوستاناي وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، شىعىسىندا، وڭتۇستىگىندە، اقمولا وبلىسىنىڭ وڭتۇستىگىندە، باتىسىندا توتەنشە ءورت ءقاۋپى ساقتالادى.