الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تەجەۋ ءۇشىن الدىن الۋ شارالارى قابىلدانۋدا.
بۇل تۋرالى الماتى قالاسىنىڭ اكىمى ە.دوسايەۆ وكق-دا وتكەن الماتى قالاسىنىڭ الەۋمەتتىك ەكونوميكالىق دامۋىنىڭ 5 ايداعى نەگىزگى قورىتىندىلارى تۋرالى سويلەگەن سوزىندە ايتتى دەپ حابارلايدى اlmaty-akshamy.kz.
1) «اينالىم سحەماسى» بويىنشا قارجىلاندىرۋ
4 ملرد. تەڭگەگە ۇلعايتىلدى (11 ملرد. تەڭگەدەن 15 ملرد. تەڭگەگە دەيىن).
2) بەكىتىلگەن باعامەن ساتۋ ءۇشىن 6،5 مىڭ توننا قانت ساتىپ الىندى (Magnum، Small، Toimart-تا 480 تەڭگە).
3) باسقا وڭىرلەردەن (تۇركىستان، الماتى)، سونداي-اق جاقىن (وزبەكستان، تاجىكستان، قىرعىزستان) جانە الىس شەتەلدەن (يران، پاكىستان) كوكونىس پەن جەمىستى تىكەلەي جەتكىزۋ ۇيىمداستىرىلدى.
4) نان باعاسىن تۇراقتاندىرۋ ءۇشىن ازىق-تۇلىك كورپوراسياسىنىڭ قورلارىنان استىق جەتكىزىلۋدە (32 مىڭ توننا).
قانت باعاسىنىڭ ءوسۋ ىقتيمالدىلىعى، باكالەيا ونىمدەرى قورلارىنىڭ ازايۋ، رەسەيگە كوكونىس ونىمدەرىن جاپپاي ەكسپورتتاۋ تاۋەكەلدەرىنە بايلانىستى ءىرى ساۋدا جەلىلەرىنە قانت اكەلۋگە جەكەلەگەن كۆوتالار ءبولۋ جانە باكالەيا مەن كوكونىس ونىمدەرىنىڭ ەكسپورتىن شەكتەۋ ماسەلەلەرى پىسىقتالىپ جاتىر.
انىقتاما ءۇشىن: كونسەرۆىلەۋ جانە توساپ دايىنداۋ ماۋسىمىنا بايلانىستى سوڭعى اپتادا حالىقتىڭ قانتقا سۇرانىسى تاۋلىگىنە 110-نان 200 تونناعا دەيىن ءوستى. جىل باسىنان بەرى ازىق-تۇلىك كورپوراسياسى بارلىعى 136 توننا ءبولدى.
رەسەيدە باكالەيا مەن كوكونىس ونىمدەرىنىڭ باعاسى قازاقستانعا قاراعاندا 40-80%-كە جوعارى.
الماتىدا باعانىڭ جوعارى ءوسۋ قارقىنى ساقتالۋدا. جىل باسىنان بەرى 6 ايىنىڭ قورىتىندىسى بويىنشا ينفلياسيا 10،3%ء-تى قۇرادى (ق ر – 10،5%).
ينفلياسياعا نەگىزگى ۇلەس ءبىرىنشى كەزەكتە ازىق-تۇلىك باعاسىنىڭ ءوسۋى ەسەبىنەن قالىپتاستى، ول 16،4%ء-تى قۇرادى (جىلدىق ەسەپتەۋدە - 19،5%).
ەڭ كوپ وسكەنى قانت (2 ەسە، 560 تەڭگەگە دەيىن)، پياز (+90،2%،
156 تەڭگەگە دەيىن)، نان (+18،3%، 95 تەڭگەگە دەيىن)، ءسۇت (+18%، 328 تەڭگەگە دەيىن) باعاسى. ولاردىڭ تۇتىنۋ باعاسىنىڭ يندەكسىندەگى ۇلەسى
2،2 پروسەنتتىك تارماقتى قۇرادى.
دەگەنمەن، جۇمىرتقا باعاسىنىڭ تومەندەۋى (0،4%-كە،
460 تەڭگەگە دەيىن) جانە سيىر ەتى (0،9%-كە، 2 350 تەڭگەگە دەيىن)، سارى ماي (5،6%-كە، 3 400 تەڭگەگە دەيىن)، تۇز باعاسىنىڭ (6،5%-كە،
66 تەڭگەگە دەيىن) شامالى ءوسۋى بايقالادى.
جەتكىزۋ تىزبەگىنىڭ بۇزىلۋى جانە تەڭگە باعامىنىڭ تۇراقسىزدىعىنا بايلانىستى ءالى دە جوعارى ينفلياسيالىق كۇتىمدەر ساقتالۋدا.