الماتى قالاسىنىڭ بەس ايداعى الەۋمەتتىك-ەكونوميكالىق دامۋى

الماتى قالاسىنىڭ اكىمى ە.ا. دوسايەۆ وكق-دا ءوتىپ جاتقان بريفينگكە قاتىسۋدا.

وندا شاھار باسشىسى اعىمداعى جىلدىڭ باسىنان باستاپ الماتى قالاسىنىڭ الەۋمەتتىك-ەكونوميكالىق دامۋى جايلى تانىستىرىپ ءوتتى، دەپ حابارلايدى Almaty-akshamy.kz 

"ەڭ الدىمەن، ەلىمىزدەگى اسا ماڭىزدى ساياسي وقيعا -الماتى قالاسى بويىنشا رەفەرەندۋمنىڭ ناتيجەلەرى تۋرالى ايتىپ وتۋگە رۇقسات ەتىڭىزدەر.

الماتىلىقتاردىڭ كوپشىلىگى مەملەكەت باسشىسىنىڭ باستاماسىن قولدادى. كونستيتۋسياعا وزگەرىستەر ەنگىزۋدى حالىقتىڭ 65،22%ء-تى قولداپ، 32،99% داۋىس بەرۋگە كەلدى (بۇلىنگەن بيۋللەتەندەردى ەسەپتەمەگەندە 33،3%)" - دەدى قالا اكىمى ەربولات دوسايەۆ.

الماتىلىقتار «جاڭا قازاقستاندى» قۇرۋ باعىتىن قولدايتىنىن كورسەتتى.

"الماتى قالاسىنىڭ اكىمدىگى مەملەكەت باسشىسىنىڭ تاپسىرمالارىن بەلسەندى ىسكە اسىرۋدا.

قالا ەكونوميكاسىنىڭ تۇراقتى ءوسۋى قامتاماسىز ەتىلدى. اعىمداعى جىلدىڭ 5 ايىنىڭ قورىتىندىسى بويىنشا قىسقا مەرزىمدى ەكونوميكالىق ينديكاتور 107،6%-كە دەيىن ءوستى"، - دەيدى قالا باسشىسى.

وسى جىلدىڭ باسىنان بەرى 16،3 مىڭ جۇمىس ورنى قۇرىلدى. 3،3 مىڭ ورىندىق 54 بالاباقشا اشىلدى، 45 كم ينجەنەرلىك جەلى سالىندى. گازبەن جۇرەتىن 300 اۆتوبۋس ساتىپ الىندى، 145 مىڭ اعاش وتىرعىزىلدى.

بيىلعى جىلدىڭ قىركۇيەك ايىنا دەيىن الماتى اگلومەراسياسىن دامىتۋدىڭ كەشەندى جوسپارى ازىرلەنەدى. بۇل جوسپاردا مەگاپوليس پەن الماتى وبلىسى سينەرگياسىنىڭ جوبالارى ايقىندالاتىن بولادى.