الماتىدا قانداي مەديسينا نىساندارى سالىنىپ جاتىر؟

ءقازىر ءتورت نىساننىڭ قۇرىلىسى ءجۇرىپ جاتىر.

الماتى قالاسى قۇرىلىس باسقارماسى باسشىسىنىڭ ورىنباسارى ۇلان وڭالبايەۆ دەنساۋلىق ساقتاۋ نىساندارىنىڭ قۇرىلىسى – قالانى دامىتۋدىڭ نەگىزگى باعىتتارىنىڭ ءبىرى دەپ ەسەپتەيدى، دەپ حابارلايدى Almaty-akshamy.kz

«قالامىزدا جەرگىلىكتى اتقارۋشى ورگاندار دەنساۋلىق ساقتاۋ جۇيەسىن دامىتۋعا ەرەكشە كوڭىل بولەدى، حالىققا مەديسينالىق كومەك كورسەتۋ بويىنشا بەلسەندى جۇمىس جۇرگىزىلۋدە، ەمحانالار مەن اۋرۋحانالار زاماناۋي مەديسينالىق جانە تەحنولوگيالىق جابدىقتارمەن جابدىقتالعان. بۇگىندە دەنساۋلىق ساقتاۋ سالاسىندا جانە سەيسموتۇراقتىلىقتى كۇشەيتۋ جۇمىستارى جۇرگىزىلۋدە»، - دەدى ۇ. وڭالبايەۆ.

بۇل بالالار جەدەل مەديسينالىق جاردەم ورتالىعىنىڭ قابىلداۋ بولىمشەسىنىڭ جاڭا كورپۋسىنىڭ، "كەمەل" جانە "مامىر" شاعىناۋداندارىندا 200 ورىندى وتباسىلىق-دارىگەرلىك امبۋلاتوريانىڭ قۇرىلىسى.

سونىمەن قاتار، بيىل "نۇرشاشقان"، "قاراسۋ"، "سايالى" شاعىناۋداندارى مەن ايباسوۆ كوشەسىندە ورنالاسقان وتباسىلىق-دارىگەرلىك امبۋلاتوريالاردىڭ قۇرىلىسى باستالادى.

تامىز ايىندا "اينابۇلاق" شاعىناۋدانىنداعى №11 قالالىق اۋرۋحانا عيماراتىنىڭ سەيسموتۇراقتىلىعىن كۇشەيتۋ جۇمىستارى اياقتالدى. بيىل 80 مىڭ توسەك-ورىندىق №7 قالالىق كلينيكالىق اۋرۋحانانىڭ قابىلداۋ بولمەسى پايدالانۋعا بەرىلدى.