بيىل 68 مىڭ شارشى مەتردەن استام تۇرعىن ءۇيدى پايدالانۋعا بەرۋ جوسپارلانىپ وتىر.
الماتىدا مەملەكەت باسشىسى قاسىم-جومارت توقايەۆتىڭ تاپسىرماسى بويىنشا تۇرعىن ءۇي قۇرىلىسى بەلسەندى ءجۇرىپ جاتىر. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى قۇرىلىس باسقارماسى باسشىسىنىڭ ورىنباسارى ۇلان وڭالبايەۆ مالىمدەدى، دەپ حابارلايدى Almaty-akshamy.kz.
«2022 جىلى 16 تۇرعىن ءۇيدى، ياعني 1305 پاتەردى نەمەسە 68 مىڭ شارشى مەتر نەسيەلىك جانە جالدامالى پاتەرلەردى پايدالانۋعا بەرۋ جوسپارلانۋدا. سونداي-اق، جۇمىس ىستەيتىن جاستار ءۇشىن اۋدانى 42 000 شارشى مەتر 1050 پاتەر ساتىپ الۋعا قاراجات قاراستىرىلعان»، - دەپ باستادى ءوز ءسوزىن وكق سپيكەرى.
جالپى، ۆەدومستۆو وكىلىنىڭ ايتۋىنشا، قۇرىلىس جۇمىستارىنىڭ كولەمى ارتتى. 7 ايدا 54 315،4 ملن تەڭگە يگەرىلدى.
سونىمەن قاتار، مەملەكەتتىك باعدارلامالار شەڭبەرىندە كوممەرسيالىق تۇرعىن ءۇي قۇرىلىسىن ىنتالاندىرۋ ءۇشىن رەسپۋبليكالىق بيۋدجەت قاراجاتىنان 150 كوپپاتەرلى تۇرعىن ۇيگە ينجەنەرلىك-كوممۋنيكاسيالىق جەلىلەر تارتىلۋدا. ناتيجەسىندە 7 912 پاتەر سالىنادى، ونىڭ جارتى بولىگى (50%) مەملەكەتتىك باعدارلامالار بويىنشا جەڭىلدىكپەن ىسكە اسىرىلدى.
ايتا كەتسەك، تۇرعىن ءۇيدى پايدالانۋعا بەرۋمەن قاتار ءبىلىم بەرۋ جانە دەنساۋلىق ساقتاۋ نىساندارىنىڭ قۇرىلىسى ءجۇرىپ جاتىر. وڭالبايەۆتىڭ ايتۋىنشا، قۇرىلىس سالۋشىلار ءوز ۋچاسكەلەرىندە مەكتەپتەر، بالاباقشالار مەن مەديسينالىق مەكەمەلەر سالۋدى كوزدەپ وتىر.
«بۇگىندە قالادا 25 ءبىلىم بەرۋ نىسانىنىڭ قۇرىلىسى ءجۇرىپ جاتىر. جىل سوڭىنا دەيىن "قالقامان-2"، "قايرات"، "دارحان"، "مادەنيەت" جانە "نۇركەنت" شاعىناۋداندارىندا 7500 ورىندىق 5 مەكتەپ سالىنادى. سونداي-اق، 670 ورىندىق قوسالقى قۇرىلىس نىسانىن سالۋ ارقىلى №48، 191، 9 ءۇش مەكتەپ كەڭەيتىلەدى»، - دەدى ۇلان وڭالبايەۆ.
"جاس قانات"، "سايالى-2"، "اينابۇلاق-4"، "اقجار" شاعىناۋداندارىندا 920 ورىندىق ءتورت جاڭا بالاباقشا سالىنادى. سونداي-اق باسقارما قاراماعىندا "اقجار" جانە "نۇركەنت" شاعىناۋداندارىندا 1350 ورىندىق ەكى يننوۆاسيالىق شىعارماشىلىق ورتالىق سالۋ قاراستىرىلعان. ولاردى پايدالانۋعا بەرۋ 2023 جىلدىڭ ەكىنشى توقسانىنا جوسپارلانعان.
قۇرىلىس باسقارماسىنىڭ وكىلى №166، 129، 145، 15، 122، 141، 31 جانە ءبىلىم-يننوۆاسيا مەكتەبىنىڭ سەگىز عيماراتىنىڭ، سونداي-اق ءۇش بالاباقشانىڭ (№7، 113، 70) سەيسموتۇراقتىلىعىن كۇشەيتۋ جۇمىستارى تۋرالى ايتتى.
بيىلعى جىلى "سايالى-2" جانە "زەردەلى" شاعىناۋداندارىندا 1100 ورىندىق ەكى مەكتەپتىڭ، №65، 101، 112، 148 جانە 59 مەكتەپتەردە بەس قوسىمشا كورپۋستىڭ، "جاس قانات" جانە "شۇعىلا" شاعىن اۋداندارىندا 580 ورىندىق ەكى بالاباقشانىڭ قۇرىلىسىن باستاۋ جوسپارلانۋدا. سونداي-اق، №9، 10، 70، 80، 127 جانە 156 مەكتەپتەرى سەيسميكالىق نىعايتۋدان وتەدى.
ايتا كەتسەك، بيىل "زەردەلى" شاعىناۋدانىندا 380 ورىندىق جاتاقحاناسى بار 720 ورىندىق كاسىبي تەحنيكالىق ۋچيليششەنىڭ قۇرىلىسى باستالادى. سونداي-اق، №2 الماتى مەملەكەتتىك پەداگوگيكالىق كوللەدجى ءۇشىن 450 ورىندىق قوسىمشا قۇرىلىس سالۋ جوباسى ازىرلەنۋدە.
ال جاتاقحانالارداعى ورىن تاپشىلىعى ماسەلەسىن شەشۋ ماقساتىندا 600 ورىندىق 2 جاتاقحانا سالۋ جوباسى ازىرلەنۋدە (الماتى اۆتومەحانيكالىق كوللەدجى جانە الاتاۋ اۋدانىنىڭ ونەركاسىپتىك ايماعىندا ورنالاسقان جاتاقحاناسى بار يننوۆاسيالىق تەحنولوگيالار كوللەدجى). بۇل نىسانداردىڭ قۇرىلىسى 2023-2024 جىلدارعا جوسپارلانعان.
الماتى قالاسى وڭىرلىك كوممۋنيكاسيالار قىزمەتىنىڭ حابارلامالارى مەن ماتەريالدارىن تاراتۋ كەزىندە وكق-عا سىلتەمە جاساۋ مىندەتتى.