الماتىدا قالىڭ قار جاۋىپ، كوكتايعاق بولادى

تجد وكىلدەرى ەسكەرتۋ جاسادى

الماتىدا 10 قاڭتار كۇنى تاڭەرتەڭ جانە تۇستەن كەيىن قالىڭ قار جاۋىپ، تۇمان، كوكتايعاق بولادى، دەپ حابارلايدى Almaty-akshamy.kz.

الماتى قالالىق توتەنشە جاعدايلار دەپارتامەنتى «قازگيدرومەت» رمك ەسكەرتۋى نەگىزىندە 10 قاڭتار كۇنى الماتىدا تاڭەرتەڭ، تۇستەن كەيىن قالىڭ قار جاۋىپ، كەيدە تۇمان، كوكتايعاق بولاتىنىن مالىمدەدى.

وسىعان وراي، قالالىق تجد وكىلدەرى قالا تۇرعىندارى مەن قوناقتارىنا، اۆتوكولىك يەلەرىنە ەسكەرتۋ جاسادى.

«ازاماتتاردان تاۋلى جەرلەرگە بارماۋدى، 112 قىزمەتىنىڭ سمس-حابارلامالارىن، تەلەديدارداعى، راديوداعى، باسقا دا باق-عى اقپاراتتاردى نازاردان تىس قالدىرماۋدى سۇرايمىز. اۆتوكولىك يەلەرىنە اعاشتاردىڭ، ەلەكتر جەلىلەرىنىڭ جانە باسقا دا ءىلۋلى قۇرىلىمداردىڭ استىنا كولىكتەرىن قويماۋعا كەڭەس بەرەمىز. ءقاۋىپسىز ورىن تابىڭىز، ارنايى تۇراق ورىندارى بولسا، تىپتەن جاقسى»، - دەلىنەدى حابارلامادا.

ەسكە سالساق، بۇعان دەيىن "قازگيدرومەت" الماتىدا 10 قاڭتاردا تاڭەرتەڭ جانە كۇندىز كەي ۋاقىتتا قالىڭ قار جاۋىپ، كەي ۋاقىتتا تۇمان، كوكتايعاق كۇتىلەتىنىن حابارلاعان بولاتىن.