«الماتى - شىمكەنت» پويىزىنىڭ ەكى كۇنگى رەيستەرى جولعا شىقپايتىن بولدى

جول جۇرۋدەن باس تارتقان جولاۋشىلارعا جول ءجۇرۋ قۇنى تولىق قايتارىلادى

«الماتى – شىمكەنت» باعىتىنداعى №25/26 تالگو جولاۋشىلار پويىزىنىڭ 11 قاڭتار كۇنگى رەيسى جولعا شىقپايتىن بولدى. بۇل تۋرالى Almaty-akshamy.kz «قازاقستان تەمىر جولى» كومپانياسىنىڭ Telegram كانالىنا سىلتەمە جاساپ حابارلايدى.

«جولاۋشىلار تاسىمالى» اق تەحنيكالىق سەبەپتەرگە بايلانىستى «الماتى – شىمكەنت» باعىتىنداعى №25/26 تالگو جولاۋشىلار پويىزىنىڭ، 2023 جىلعى 10 قاڭتاردا الماتى-2 ستانسياسىنان جانە بيىلعى 11 قاڭتاردا شىمكەنت ستانسياسىنان جونەلتىلۋى ءتيىس رەيسى توقتاتىلادى»، - دەلىنگەن حابارلامادا.

توقتاتىلعان پويىز ورنىنا جولاۋشىلاردى تاسىمالداۋ ءۇشىن ستاندارتتى ۆاگونداردان قۇرىلعان №505/506 ءبىر رەتتىك پويىز تاعايىندالادى. پويىز الماتىدان 2023 جىلى 10 قاڭتاردان، ال شىمكەنتتەن 11 قاڭتاردا جولعا شىعادى.

«جول جۇرۋدەن باس تارتقان جولاۋشىلارعا جول ءجۇرۋ قۇنى تولىق قايتارىلادى. ستاندارتتى ۆاگونداردان تۇراتىن پويىزدا جولاۋشىلاردى، باگاجدى، جۇك-باگاجىن جانە تەمىرجول كولىگىمەن پوشتا جونەلتىلىمدەرىن تاسىمالداۋ قاعيدالارىنا سايكەس بەلگىلەنگەن تارتىپپەن جول ءجۇرۋ قۇنىنىڭ ايىرماسى تولەنەتىن بولادى. ۇلتتىق تاسىمالداۋشى كەلتىرىلگەن قولايسىزدىقتار ءۇشىن كەشىرىم سۇرايدى»، -دەپ مالىمدەدى ۇلتتىق كومپانيا.