مەدەۋ اۋدانىنىڭ پوليسيا قىزمەتكەرلەرى وڭاي ولجا ىزدەگەن قالتا ۇرىسىن قولعا ءتۇسىردى.
وقيعا ساياحات اۆتوۆوكزالىنىڭ جانىنداعى ايالدامادا بولعان. قاسكۇنەم جولاۋشىنىڭ ۇيالى تەلەفونىن ۇرلاپ، وقيعا ورنىنان قاشپاق بولعانىمەن، بۇل ارەكەتى ءساتسىز اياقتالدى. پوليسيا قىزمەتكەرلەرى كۇدىكتىنى جەدەل ۇستاپ، قاماۋعا الدى، دەپ حابارلايدى aqshamnews.kz Polisia.kz-كە سىلتەمە جاساپ.
– قازىرگى ۋاقىتتا كۇدىكتىنىڭ جەكە باسى تەكسەرىلۋدە. ونىڭ باسقا قىلمىستارعا قاتىسى بار-جوعى انىقتالىپ جاتىر. قىلمىستىق ارەكەتتەرىنىڭ قايتالانۋى جانە ۇرلانعان مۇلىكتى ساتۋ ارنالارى دا تەرگەۋ نىسانىندا، – دەپ مالىمدەدى مەدەۋ اۋداندىق پوليسيا باسقارماسىنا قاراستى ءبولىم باستىعى ەلدوس باقبەرگەنوۆ.
ق ر قىلمىستىق كودەكسىنىڭ 201-بابىنا سايكەس تەرگەۋ مۇددەسىنە بايلانىستى قوسىمشا اقپارات جاريالانبايدى. سونىمەن قاتار ق ر كونستيتۋسياسىنىڭ 77-بابى 3-بولىگىنىڭ 1-تارماعى جانە ق ر قك-نىڭ 19-بابى 1-تارماعىنا سايكەس، سوت شەشىمى زاڭدى كۇشىنە ەنگەنگە دەيىن كەز كەلگەن ادام كىناسىز دەپ سانالادى.