بۇگىننەن باستاپ جول قاۋىپسىزدىگىن ارتتىرۋعا جانە جول-كولىك وقيعالارىنىڭ سانىن ازايتۋعا باعىتتالعان زاڭ كۇشىنە ەندى.
جاڭاشىلدىق حالىقارالىق جانە رەسپۋبليكالىق ماڭىزى بار جولدارمەن جۇرەتىن بارلىق جۇرگىزۋشىلەرگە قاتىستى، دەپ حابارلايدى aqshamnews.kz Polisia.kz-كە سىلتەمە جاساپ.
– بۇل وزگەرىستەردىڭ نەگىزگى ءمانى اۆتوماتتى تۇردە تىركەۋ جۇيەلەرىمەن انىقتالاتىن ءتۇزۋ سىزىقتى ۋچاسكەلەردە «ورتاشا جىلدامدىقتان» اسىپ كەتكەنى ءۇشىن جاۋاپكەرشىلىكتى ەنگىزۋ بولىپ تابىلادى. «ورتاشا جىلدامدىق» ءجۇرىپ وتكەن جولدى سول جولدى ءجۇرىپ وتكەن ۋاقىت ارالىعىنا ءبولۋ ارقىلى ەسەپتەلەدى. ايىپپۇل رۇقسات ەتىلگەن «ورتاشا جىلدامدىقتان» اسىپ كەتۋىنە بايلانىستى 5-تەن 40 اەك-كە دەيىن بولادى. ياعني، جولداردىڭ ءار ءتۇرلى ۋچاسكەلەرىندە «ورتاشا جىلدامدىق» ءار ءتۇرلى بولادى، سەبەبى فورمۋلاعا سايكەس ءار اۆتوكولىك اۆتوماتتى تۇردە ەسەپتەلەدى. بۇل جاڭالىق تالداۋدى ەسكەرە وتىرىپ ەنگىزىلدى، سەبەبى قالا ماڭىنداعى تراسسالارداعى ءاربىر ءۇشىنشى ادام جىلدامدىق رەجيمىنىڭ اسىپ كەتۋىنىڭ سالدارىنان كوز جۇمعان. وسى وزگەرىستەرگە بايلانىستى ءىىم جول جۇرىسىنە قاتىسۋشىلاردىڭ بارلىعان قاعيدالاردى ساقتاۋعا جانە باسقا قاتىسۋشىلاردى قۇرمەتتەۋگە شاقىرادى. جولداعى قاۋىپسىزدىكتى ارتتىرۋ — بۇل ورتاق مىندەت، – دەدى ءىىم اكىمشىلىك پوليسيا كوميتەتى ەرەكشە تاپسىرمالار جونىندەگى اعا ينسپەكتورى اقتوتى بورانوۆا.