الماتىدا قالتا ۇرىلارى قۇرىقتالدى

الماتى پوليسەيلەرى قالتا ۇرىلارىن قولعا ءتۇسىردى.

قالتا ۇرىلارى قىلمىس جاساپ بولعان سوڭ ۇستالدى، دەپ حابارلايدى Almaty-akshamy.kz Polisia.kz-كە سىلتەمە جااپ

 «ەكى كۇدىكتى دە اۋەزوۆ اۋداندىق پوليسيا باسقارماسىنىڭ پوليسەيلەرىمەن جانە ارنايى توپ قىزمەتكەرلەرىمەن ۇستالدى. 26 جاستاعى م. ەسىمدى ازامات، 119-باعىتتاعى قوعامدىق كولىكتە جولاۋشىنىڭ IPhone تەلەفونىن ۇرلاپ، سول ارقىلى 500 مىڭ تەڭگە كولەمىندە ماتەريالدىق شىعىن كەلتىرگەن. ونىڭ تاعى ءبىر “ارىپتەسى” 37 جاستاعى ي. ەسىمدى ازامات، 45ء-شى باعىتتاعى قوعامدىق كولىكتە قىلمىس ۇستىندە ۇستالدى. وندا جاس قىز ۇيالى تەلەفونىنان ايىرىلىپ قالا جازداعان. كۇدىكتى ونىڭ Samsung تەلەفونىن ۇرلاماق بولعان»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.

قازىرگى تاڭدا ەكى دەرەك بويىنشا دا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر قاماۋعا الىندى. سونىمەن قاتار پوليسيا قىزمەتكەرلەرى كۇدىكتىلەردىڭ قالا اۋماعىندا جاسالعان وسىعان ۇقساس باسقا دا قىلمىستارعا قاتىسى بار-جوعىن انىقتاپ جاتىر. ق ر قپك-نىڭ 201 بابىنىڭ تالاپتارىنا، سونداي-اق ق ر كونستيتۋسياسىنىڭ نورمالارىنا سايكەس، قىلمىستىق ءىس بويىنشا وزگە دە مالىمەتتەر جاريا ەتۋگە جاتپايتىنىن حابارلايدى.