قۇجات قول قويىلعان كۇنىنەن باستاپ قولدانىسقا ەنگىزىلەدى.
رەسەيدەگى قازاقستاننىڭ ساۋدا وكىلدىگىن تاراتۋ تۋرالى ۇكىمەت قاۋلىسى شىقتى، دەپ حابارلايدى Almaty-akshamy.kz
"قازاقستان رەسپۋبليكاسىنىڭ ساۋدا جانە ينتەگراسيا مينيسترلىگىنىڭ "قازاقستان رەسپۋبليكاسىنىڭ رەسەي فەدەراسياسىنداعى ساۋدا وكىلدىگى" مەملەكەتتىك مەكەمەسى تاراتىلسىن"، - دەپ جازىلعان قاۋلىدا.
ەسكە سالساق، قاڭتاردىڭ باسىندا قازاقستان رەسەيدەگى ساۋدا وكىلدىگى مەكەمەسىن تاراتاتىنى حابارلانعان بولاتىن.
قارجى ءمينيسترى ەرۇلان جاماۋبايەۆ بۇل شەشىمنىڭ سەبەبىن: "ارتىق قۇرىلىمداردى وڭتايلاندىرۋ ءجۇرىپ جاتىر. ەلىمىزدىڭ رەسەيمەن تىعىز قارىم-قاتىناستا ەكەنى تۋرالى ايتىلعاندا ەۋرازيالىق ەكونوميكالىق كوميسسيانىڭ بولۋىن بىلدىرگەن بولاتىن. وندا بارلىق باعىتتار بويىنشا وتە ساۋاتتى ادامدار جۇمىس ىستەيدى، سونىڭ ىشىندە كاسىپكەرلىك قىزمەت بويىنشا ماسكەۋدە بۇل ماسەلەنى شەشە الاتىن ادامدار دا بار"، - دەپ تۇسىندىرگەن ەدى.