ولار - قازاقستانعا كوشى-قون زاڭناماسىن ورەسكەل بۇزىپ كەلگەن وزبەكستان مەن تاجىكستان ازاماتتارى.
ولاردى پوليسيا قىزمەتكەرلەرى “ميگرانت” ءىس-شاراسى كەزىندە انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءجاىش-تىڭ ءتورت كۇنىندە كوشى-قون زاڭناماسىن بۇزعان 689 ادام اكىمشىلىك جاۋاپكەرشىلىككە تارتىلدى، 83 شەتەلدىك قازاقستان رەسپۋبليكاسىنان شىعارىلدى. قازاقستان رەسپۋبليكاسىندا بولۋ ەرەجەلەرىن بۇزعان 360 شەتەلدىك جاۋاپكەرشىلىككە تارتىلدى. شەتەلدىكتەردىڭ قر-دا بولۋىنىڭ زاڭدىلىعىن قامتاماسىز ەتۋ شارالارىن قولدانباعانى ءۇشىن 288 قابىلداۋشى تاراپقا ايىپپۇل سالىندى. قر-عا شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن 40 جۇمىس بەرۋشى جاۋاپكەرشىلىككە تارتىلدى. پد-نىڭ قابىلداپ-تاراتۋىنا جەكە باسىن كۋالاندىراتىن قۇجاتتارى جوق 464 شەتەلدىك ورنالاستىرىلدى»، – دەدى، الماتى قالاسى پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
سونىمەن قاتار بايانداماشىنىڭ ايتۋىنشا، ءىس-شارا كۇندەرى كوشى-قون زاڭناماسىن بۇزۋ بويىنشا 8 قىلمىستىق ءىس تىركەلگەن. سونداي-اق مەملەكەتارالىق ىزدەۋدە جۇرگەن 2 قىلمىسكەر ۇستالدى.