ولار بۇرىن سوتتى بولعان.
ەكى الماتىلىق قىز قالتا ۇرلىعىمەن اينالىسقان، دەپ حابارلايدى Almaty-akshamy.kz Polisia.kz-كە سىلتەمە جاساپ.
مەدەۋ اۋداندىق پوليسيا قىزمەتكەرلەرى جەڭىل جولمەن اقشا تاباتىنداردى ۇستادى. ولار بۇرىن سوتتى بولعان.
«اۋدانىمىزداعى بازارلاردىڭ بىرىندە قالتا ۇرلىعىن جاساعان 28 جاستاعى ف. ەسىمدى ازاماتشا جانە 25 جاستاعى ب. ەسىمدى ازاماتشا ۇستالدى. ولار جاس قىزدىڭ قالتاسىنان iPhone 13 ۇيالى تەلەفونىن شىعارىپ العان. جەدەل ىزدەستىرۋ ءىس-شارالارىنىڭ ناتيجەسىندە كۇدىكتىلەر ۇستالدى. تەرگەۋدىڭ وسى كەزەڭىندە ولاردىڭ قالتا ۇرلىعىنىڭ ەكى دەرەگىنە قاتىستىلىعى انىقتالدى. قازىرگى ۋاقىتتا كۇدىكتىلەردىڭ جەكە باسى قالانىڭ باسقا دا اۋداندارىندا وسىعان ۇقساس قىلمىستارعا قاتىسى بار-جوعىنا تەكسەرىلىپ جاتىر. سونىمەن قاتار قالانىڭ بەينەباقىلاۋ جۇيەلەرىنىڭ مۇمكىندىكتەرى بەلسەندى تۇردە پايدالانىلىپ جاتىر»، – دەيدى مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ.